Sexy actress Yen Durano turns emotional when asked about dad DJ Durano
Naging emosyunal ang sexy actress habang nagbibigay ng pahayag tungkol sa kanyang ama, ang aktor na si DJ Durano.
Sa panayam matapos ang press conference ng pelikula niyang Celestina: Burlesk Dancer, natanong si Yen kung susuportahan niya ang kanyang tatay sa kampanya niya para sa pagtakbo bilang mayor ng Sogod, Cebu.
Sagot ni Yen, “It depends on what kind of support. Pero, of course, I support him in what he's doing right now even though…”
Hindi na natapos ng aktres ang kanyang pahayag. Sa halip inamin niya, “Medyo nag-drift kasi kami ng dad ko over the years kasi may iba siyang family.”
Kasunod nito ay inilarawan ni Yen kung gaano kahirap ang sitwasyong ito para sa kanya, na isang “daddy's girl.”
Kuwento niya, “I have a hard time answering questions regarding my dad. Pero I feel like with this movie binigay talaga sa akin so I can prove to people… Well, I needed a father figure growing up. He wasn't perfect naman, pero he's a good dad.
“He's a good dad. It's just that time lang talaga had its way of bringing me here. So, I don't know if you notice in all the presscons, when I'm asked about my dad, medyo hindi ako ano… Kasi, it's hard for me.”
Sa kabila ng pangyayari sa relasyon nilang mag-ama, sinigurado naman ni Yen na, “I love him, I love my dad very much.”
Related gallery: Celebrity kids who made it on their own
Samantala, lubos naman ang pasasalamat ni Yen dahil siya ang napiling maging bida sa Celestina: Burlesk Dancer, ang ikalawang Vivamax movie na ipalalabas sa mga sinehan.
Pag-amin niya, “Definitely, I felt a lot of pressure pero I tried to remain calm. Very supportive naman yung environment ko, from Direk to the prod team, glam team, hanggang utility. Everyone was very supportive even my manager.”
Sa pagganap sa title role, ilang challenges ang naranasan ni Yen, kabilang na ang tamang pagbigkas ng mga linya.
“Yung challenges sa film is like the language since period film siya, medyo deep yung Tagalog. There are lines that are very long. I'm good with memorizing naman it's just that it's hard, hindi siya madaling sabihin,” sabi ni Yen.
Bukod dito, na-challenge din siya sa pagiging isang burlesque dancer.
“I have a scene there where I was dancing in front of the Japanese people in exchange for something. That was very difficult for me. And the character mismo, hindi po siya madali talaga,” sabi niya.
Ayon kay Yen, sa pamamagitan ng kanyang pagganap, maipapakita na hindi madali ang trabaho ng isang sexy actress, na karaniwang iniisip ng publiko.
Katuwiran niya, “People think kasi na por que Vivamax, 'Ah, maghuhubad, madali lang 'yan.' Pero it's not. When I take my clothes off, it has to mean something. So, for me to do that, I agree with the reasoning behind the story. Ayun, hindi talaga siya madali.”
Nabanggit din niya na nagustuhan niya ang kanyang role bilang burlesque dancer dahil, aniya, “Very empowering. Lalo na noong sinaunang panahon. Kasi, 'yun nga, very conservative, and to have that as a profession, that's very strong, and it's says a lot kasi not everyone can do that.”
Sa huli, inihalintulad pa niya ito sa pagiging isang sexy actress.
Sabi ni Yen, “I'd say that it's very parallel to being an actress in Vivamax, may correlation 'yung dalawa na 'yun, 'yung burlesque dancer. Parang I take that as a metaphor. Same lang. It's not easy as well, we're just doing it as a job.”
Ang Celestina: Burlesk Dancer ay idinirehe ni Mac Alejandre at isinulat ng National Artist na si Ricky Lee. Ito ay mapapanood sa mga sinehan simula December 4.
Samantala, narito ang ilang na napanood sa GMA Prime series na Black Rider:
