Filtered By: Showbiz News | News
Showbiz News

WATCH: Rachelle Ann Go, Broadway-ready na!

By MARAH RUIZ
Updated On: February 22, 2020, 08:27 PM

Nakatakdang magtanghal si Rachelle sa US run ng Miss Saigon next year. 

Nasa London pa rin ngayon si Rachelle Ann Go para sa West End run ng musical play na Les Miserables. 

Isang magandang balita ang dumating para kay Rachelle Ann dahil sa wakas ay naayos na ang kanyang mga papeles para makapag-tanghal sa Amerika. 

Para ito sa nakatakdang Broadway run ng Miss Saigon kung saan gaganap siya bilang Gigi. 

"Really, really excited! I'm [going to] New York around January so sobrang excited na, pero kinakabahan ako kasi malamig. Winter 'yun sa New York so good luck," aniya. 

Nagsimula na rin ang paghahanda niya para sa role.

"Nag-enrol ako sa gym. Kailangan kong siyempre maging fit pagdating ko doon. Medyo demanding yung show. Kailangan mong sumayaw," kuwento ng aktres. 

Busy man siya sa ibang bansa dahil as mga pagtatanghal ngunit sa Pilipinas pa rin daw magpa-Pasko si Rachelle Ann.

"Ang last show ko po dito sa London is on the third of December, last show ng Les Mis. Uuwi po ako sa Pilipinas. I'm really excited to spend Christmas at home with my family and friends so ito na, finally makakasama ko na 'yung mga mahal ko sa buhay," paliwanag niya.

Panoorin ang buong ulat ni Lhar Santiago para sa 24 Oras dito:

Trending Articles
NPC SEAL
We use cookies to ensure you get the best browsing experience. By continued use, you agree to our privacy policy and accept our use of such cookies. For further information, click FIND OUT MORE.