Ang kuwento sa likod ng pag-aayos ni Aiai Delas Alas ng necktie ni Alden Richards
Panoorin ang video ni Aiai at Alden backstage sa premiere night ng 'My Bebe Love.'
By BEA RODRIGUEZ
Nag-ayos lang umano si Philippine Queen of Comedy Aiai Delas Alas ng necktie ng Pambansang Bae na si Alden Richards sa backstage ng kanilang Metro Manila Film Festival premiere night ng 'My Bebe Love' pero mukhang ang lalim na ng nadiskubre ng aktres tungkol sa kanyang sarili.
READ: ‘Ibang Maine Mendoza and Alden Ricahrds ang makikita niyo dito’ –Aiai Delas Alas on ‘My Bebe Love’
Hiniling kasi ng kanyang anak na si Sancho Delas Alas na ayusin ang necktie ng kanyang co-actor dahil hirap itong ibutones ang collar ng polo. Habang ginagawa ito, napansin ni Alden na may lipstick ang komedyante sa kanyang ngipin at dapat punasan niya muna ito.
READ: Sancho Delas Alas, big step sa career ang mapabilang sa ‘My Bebe Love’
Pero saad ni Aiai, “Oo, [ito] na nga, inuuna na nga kita!” at napatanong siya sa kanyang sarili kung bakit nga ba inuuna ng mga ina ang kapakanan ng mga anak.
Kuwento niya sa kanyang Instagram post, “’Pag nag-shopping ako, mas una ko naisip mga anak ko at asawa ko [kaysa] sa sarili ko.”
May pinagmanahan raw siya sa kanyang pumanaw na ina, “Nanay ko, iiyak lang sa isang tabi ‘pag masama [ang] loob [sa amin pero] ‘pag humingi [kami] ng kape, nagmamadali pang kuhanin.”
Bigla niyang na-miss ang kanyang mapag-arugang ina dahil sa pag-aayos ng necktie ng tinuturing niya nang anak sa showbiz.
