Kylie Padilla on Kenneth Earl Medrano: 'I like him because he's hungry to learn'

By AL KENDRICK NOGUERA, Interview by MARAH RUIZ

PHOTO BY BOCHIC ESTRADA, GMANetwork.com
 

Dahil baguhan sa showbiz, marami pang kakaining bigas si That's My Bae grand winner Kenneth Earl Medrano pagdating sa pag-arte. Mabuti na lamang ay todo suporta sa kanya si Kapuso actress Kylie Padilla, ang kanyang love team sa Buena Familia.

 

READ: Kylie Padilla, type si Kenneth Earl Medrano sa totoong buhay?

 

Ayon kay Kylie, nariyan siya palagi sa tabi ni Kenneth sa tuwing kailangan ng aktor ang tulong niya lalo na pagdating sa acting. Hindi rin daw siya nahihirapang bigyan ng tips si Kenneth dahil nakikita niya raw na pursigido ang tinaguriang King Bae.

 

"Gusto ko si Kenneth because he's open naman to listen to advice. He's open din naman to tell me when he feels nervous. So tinutulungan ko siyang kumalma. I like him because he's hungry to learn," bahagi ni Kylie.

 

Dagdag pa niya, "And nag-workshop kami so nag-bonding kami and I really told him na if you need help, I'm just here."

 

Bukod pa rito, gusto ni Kylie tulungan si Kenneth dahil gusto niyang maging proud ang pamilya ng aktor sa kanyang Buena Familia appearance. Aniya, "Mahirap kasi sa kanya, 'yung family niya [ay] nasa Cebu. I know that's hard for him kaya I'm doing my best to help him so that he makes his family proud."