Barbie Forteza at Kathryn Bernardo, mayroon nga bang kompetisyon sa pagiging 'Teen Queen?'

By AL KENDRICK NOGUERA

Kung mayroong Barbie Forteza ang GMA, mayroon namang Kathryn Bernardo ang kabilang network. Dahil pareho silang binabansagang Teen Queen ngayon, hindi tuloy makaiwas sa isyu ang dalawa.

 

READ: Barbie Forteza, nakangiti pa rin kahit pagod na

 

Agad na sinagot ni Barbie ang tanong kung totoo bang magkaaway sila ni Kathryn. "Ito totoo 'to ha. Hindi naman po kami magkaaway ni Kathryn kasi hindi naman po kami nagkikita. So there's no chance na magkaaway kami," saad ng The Half Sisters star.

 

Hindi raw alam ni Barbie kung saan nanggaling ang isyung ito. Aniya, "'Yung isyung 'yan eh sa inyo lang po 'yon [nanggaling], 'yung bashers ko na fans ni Kathryn."

 

LOOK: Unbreakable Kapuso-Kapamilya connections
 

Dagdag pa niya, "Sa 'kin wala naman pong kaso sa 'kin 'yon dahil I have nothing against Kathryn. Nasa inyo na lang po 'yan kung sa tingin n'yo [ay] 'yung pamba-bash n'yo sa 'kin ay ikagaganda ng image ng idol niyo, ng inyong teen queen."

 

Paano hina-handle ni Barbie ang isyung ito? "Actually dinededma ko lang. Pero okay kami ni Kathryn. Hindi ko nga lang alam kung natatandaan niya pa ako," sagot ng teen actress.