'The King's Doctor,' magsisimula na sa June 29!

By MARAH RUIZ

 

Mula kay Lee Byung Hoon, direktor ng mga obrang Jewel in the Palace at Dong Yi, ang isa na naman Korean period drama—The King's Doctor! 

 

Makakasama na sa umaga si Baek Gwang Hyun, isang beterinaryong aangat bilang punong doktor ng hari dahil sa kanyang angking galing at walang sawang pagsisikap. Ngunit hindi doon magtatapos ang mga pagsubok na haharapin niya. Sadyang matindi ang pulitika sa loob ng palasyo at kailangang patunayan ni Gwang Hyun na karapat dapat siya sa kanyang posisyon sa kabila ng pagiging mula sa mas nakabababang uri. 

 

WATCH: Ang napagkaitan ng karapatan ay mabibigyan ng matass na karangalan 

Pagbibidahan ito ng charismatic Korean actor na si Jo Seung Woo. Ito ang unang dramang pangtelebisyon sa loob ng kanyang higit isang dekadang karera bilang isang film at stage actor. 

 

READ: Jo Seung Woo, bagong Korean heartthrob na dapat abangan

Umani ang The King's Doctor ng ilang mga parangal sa 2012 MBC Drama Awards. Kabilang dito ang Best New Actress para kay Kim So Eun na gumanap bilang Prinsesa Sookwhee, Excellence Award for and Actor in a Special Project Drama para kay Lee Sang Woo na gumanap naman bilang ang karibal ni Gwang Hyun sa pag-ibig na si Lee Sung Ha, Top Excellence Award for and Actor in a Special Project Drama at Grand Prize o Daesang Award para kay Jo Seung Woo. 

 

Abangan ang The King's Doctor, Lunes hanggang Biyernes simula June 29, pagkatapos ng Two Mothers sa Heart of Asia, GMA.