Rain Matienzo travels to Singapore with siblings
Sulit ang long weekend and holidays para sa social media influencer at Sparkle actress-host na si Rain Matienzo na masayang nagbakasyon ngayon kasama ang mga kapatid sa Singapore.
Sa Instagram, proud na ibinahagi ni Rain ang ilan sa mga travel photos nila na kinunan sa ilang tourist spots sa nasabing bansa.
Isa naman sa solong binisita ng aktres ay ang famous National Gallery kung saan ikinuwento niya na isang stranger ang kumuha ng kanyang Instagram-worthy photos.
"Highlights from yesterday's gallery visit: 1) took me about 5 minutes to muster up the courage to ask a stranger to take my photo. She did not disappoint," ani Rain sa kanyang post.
Sa hiwalay na post ni Rain, makikita naman ang masayang bonding nila ng kanyang mga kapatid habang naglilibot sa naturang bansa.
"Siblingapore," simpleng caption niya sa kanyang post.
Samantala, matapos ang Artikulo 247, muli namang mapapanood si Rain sa isang Kapuso series sa upcoming kilig serye ng GMA na Luv is: Caught in His Arms.
Kaabang-abang ang magiging karakter dito ni Rain dahil may malaking koneksyon ang kanyang role sa mga bida ng naturang series na sina Florence at Nero na gagampananan naman ng Sparkle sweethearts na sina Sofia Pablo at Allen Ansay.
SILIPIN ANG PRETTIEST PHOTOS NI RAIN MATIENZO SA GALLERY NA ITO:
