True Faith vocalist Medwin Marfil marries partner in California
Meanwhile, see more inspiring celebrity LGBTQIA+ couples proving that 'love wins' in this gallery:
Boy Abunda and Bong Quintana
More than three decades na ang relasyon ng King of Talk na si Boy Abunda sa kanyang partner na si Bong Quintana. Sa media conference ng GMA showbiz news and talk show niyang Fast Talk with Boy Abunda, inamin niyang hindi laging maganda ang takbo ng kanilang pagsasama pero, aniya, "Our love will always be bigger than our mistakes." Bahagi pa ng King of Talk, isa rin siya sa mga pabor sa same-sex marriage.
Klea Pineda and Katrice Kierulf
Liberating para kay Klea Pineda ang 24th birthday celebration niya noong March 19, 2023 dahil dito niya inamin na siya ay lesbian. Proud din niyang ipinakilala sa publiko ang kanyang girlfriend na si Katrice Kierulf, na isang big bike enthusiast.
Renee Hampshire aka Ate Glow
Kilala na ngayon bilang Renee Hampshire ang impersonator ng dating pangulong si Gloria Macapagal-Arroyo na si Rene Boy Facunla o mas kilala bilang Ate Glow. Ikinasal siya sa kanyang British boyfriend noong 2016 sa London.
Ice Seguerra and Liza Diño
Isang dekada na ang relasyon ng dating child star na si Ice Seguerra at ni dating Film Development Council of the Philippines chair na si Liza Diño. Ikinasal sila noong December 2014 sa San Francisco, California kung saan legal ang same-sex marriage. Matapos ang isang buwan, nagkaroon ng sila ng isang symbolic ceremony sa Laiya, Batangas para ipagdiwang ang kanilang pag-iisang dibdib kasama ang kanilang pamilya at mga kaibigan.
Kaladkaren Davila and Luke Wrightson
Kinakikiligan sa social media ang sweet photos ng comedian and TV host na si Jervi Li, o mas kilala bilang Kaladkaren Davila, at ng British boyfriend niyang si Luke Wrightson. Taong 2012 nang maging magkakilala sa Hong Kong at naging magnobyo. Na-engage sila noong 2020.
Raymond Gutierrez and Rob William
June 2022 o pride month nang unang beses na ipinakilala ni Raymond Gutierrez ang kanyang boyfriend na si Rob William. Taong 2021 nang opisyal na inanunsyo ni Mond na isa siyang miyembro ng LGBTQIA+ community.
Nica del Rosario and Justine Peña
Matapos ikasal sa Sydney, Australia, muling ikinasal ang singer-songwriter na si Nica Del Rosario at aktres na si Justine Peña. Naganap ang kanilang second wedding noong February 2023 sa Cavite.
Joey Mead and Angelina Mead King
Going strong ang samahan ng mag-asawang Joey Mead at Ian Angelo King na kilala na ngayong Angelina Mead King. Five years into their marriage, inamin ng car enthusiast at hotel fortune heir na isa na siyang trans woman, bagay na hindi naging hadlang sa kanilang pagsasama.
Nar Cabico and VJ Capule
Ginanap ang pag-iisang dibdib ng GMA artist na si Nar Cabico at ng kanyang longtime boyfriend na si VJ Capule sa Los Angeles, California, USA noong August 2017.
Sheryn Regis and Mel De Guia
Isang taon at mahigit ang relasyon ng mang-aawit na si Sheryn Regis at ng girlfriend niyang businessman na talent manager din niyang si Mel De Guia.
Joel Lamangan and Jim Pebanco
Sa teatro nagsimula ang pagiging malapit ng batikang direktor na si Joel Lamangan at ng character actor na si Jim Pebanco. May 30 years na silang magkarelasyon matapos magkilala noong '80s.
Rajo Laurel and Nix Alañon
Successful in both love and in their respective fields ang longtime couple na sina Rajo Laurel, isang fashion designer, at Nix Alañon, isang interior designer.
Tim Yap and Javi Martinez
Ikinasal ang socialite na si Tim Yap sa event director na si Javi Martinez sa ikalawang pagkakataon sa Amanpulo.
Enzo Almario and Ceejay Serrano
Sa titigan pa lang nila, masasabing very much in love ang LGBT coupe na sina Enzo Almario at Ceejay Serrano.
