LOOK: Sweetest scenes from Angelica Panganiban and Gregg Homan's engagement vlog
Soon-to-be Mrs. Homan na ngayon ang aktres na si Angelica Panganiban matapos siyang mag-"Yes" sa engagement proposal sa kanya ng non-showbiz partner na si Gregg Homan.
Sa isang vlog na kanilang ipinost sa YouTube channel na 'The Homans,' nitong Sabado (October 8), ipinakita ni Gregg kung paano niya sinimulan ang proposal para sa aktres.
Naganap ang nasabing engagement sa isang beach habang nagbabakasyon ang dalawa noong ipinagbubuntis pa lamang ni Angelica ang kanilang anak ni Gregg na si baby Amila Sabine Homan.
Tingnan ang ilang sweet moments sa naging wedding proposal nina Gregg at Angelica rito.
Surprise!
Inumpisahan ni Gregg ang vlog sa isang video message para sa baby nila ni Angelica na si Amila kung saan ikinukuwento niya rito ang kanyang plano para sa engagement party.
The proposal
Mapapanood sa video na kunwaring magpi-picture lamang ang dalawa ngunit nagulat si Angelica nang biglang lumuhod sa kanyang harapan si Gregg at inabot ang isang engagement ring.
"Maraming paraan para sumaya sa buhay na 'to pero ikaw lang ang kailangan ko. Angelica David Panganiban, will you marry me?" tanong ni Gregg kay Angelica.
I don't know!
Sa una, napuno ng emosyon si Angelica kung kaya't hindi alam ang isasagot kay Gregg. "No, i don't know," nalilito niyang sagot.
It's a yes!
Inulit naman ni Gregg ang tanong at saka sumagot si Angelica ng, "Yes, I love you," umiiyak niyang sinabi.
The announcement
Nagulat ang pamilya at malalapit na kaibigan nina Angelica at Gregg sa kanilang engagement announcement.
Mixed emotions
Ipinakita rin sa vlog na hindi magkahalong emosyon ni Angelica tungkol sa naganap na engagement.
Mother's love
Masaya naman ang ina ni Angelica na si Anabelle Panganiban sa balitang ikakasal na ang kanyang anak.
True friend
Napaiyak din ang malapit na kaibigan ni Ange na si Glaiza dahil sa saya nang malaman na ikakasal na ang una.
Memories
Sa nasabing vlog, ipinakita rin nina Angelica at Gregg ang kanilang ilang never-before-seen sweet photos.
