Hero surfer Roger Casugay and his Dutch wife Lisa Verweij's sweetest photos
Bukod sa kanyang tagumpay at heroic act sa 2019 Southeast (SEA) Games, hinangaan din ang inspiring na love life ng Pinoy surfer na si Roger Casugay dahil isang Dutch national ang bumihag sa kanyang puso.
Ito ay si Lisa Verweij na asawa na ngayon ng hero surfer na tubong La Union. Kinasal sila noong September 9, 2021 sa Netherlands matapos ang ilang taon nilang pagsasama bilang magnobyo at magnobya. Bagamat nasa magkaibang panig ng mundo, pinatunayan nilang posible ang long distance relationship, basta patuloy ang komunikasyon.
Sa ngayon, sa La Union na rin naninirahan ang Dutch national kasama ang kanyang mister. Mayroon na silang isang anak ni Roger na nagngangalang Rio, at furparents din sila ng tatlong aso.
Tingnan ang ilan nilang sweet photos sa gallery na ito.
Meeting
Base sa report ng 'Kapuso Mo, Jessica Soho' (KMJS) noong October 8, 2017, unang nagkakilala sina Roger Casugay at Lisa Verweij matapos magbakasyon ang Dutch national sa La Union. Nagtrabaho noon ang foreigner sa Cebu bilang kanyang internship sa isang shelter para sa mga biktima ng sexual exploitation.
True love
Sa kabila ng kanilang pagkakaiba, nahulog ang loob ng Dutch national sa Pinoy surfer matapos siyang magpaturo mag-surf.
Viral couple
Sa panayam ng 'KMJS' kay Lisa, inilarawan niya si Roger bilang "sweet and kind." Dagdag pa ng blonde beauty, "He tries to understand me always. Not that it's possible but he tries to. I think the really good thing is that Roger's mindset is really positive. He really motivates me. He makes me feel much better and stronger."
Engagement
Na-engage ang dalawa noong September 26, 2018, base sa Instagram post ni Lisa. Saad niya sa caption, "your wifey for lifey [ring emoji.]"
30th SEA Games
Sa katunayan, lumipad patungong Pilipinas ang ina at ama ni Lisa Verweij para suportahan ang atleta sa kanyang laban sa 30th SEA Games na ginanap noong 2019.
Dreams
"He needs to follow his dream and me too. But I think we have dreams together. We don't know what the future will bring us but I think together we can make it," sambit ni Lisa panayam ng 'KMJS.'
Love knows no boundaries
Para kay Lisa, hindi niya alintana ang kanilang pagkakaiba ni Roger dahil totoo ang pag-ibig niya rito. Sabi niya, "We're both lucky to [have] found each other and I think that it does not matter from which country you are. If you're in love, you're in love."
Related:
KMJS featured surfer, hinangaan sa pagiging "SEA Games 2019 hero"
World Fair Play
Very proud si Lisa Verweij sa World Fair Play award na iginawad kay Roger Casugay. Sa katunayan, personal niya itong sinamahan sa Budapest, Hungary para tanggapin ang award noong June 2022.
LDR
Patunay sina Roger Casugay at Lisa Verweij na posible ang long distance relationship. Sa ngayon, nakabase sila sa La Union na hometown ng hero surfer.
