Denise Barbacena, ikinasal na sa kanyang non-showbiz partner
Ikinasal na ang Sparkle star na si Denise Barbacena sa kanyang non-showbiz partner na si Carlos Romeo Velasco.
Isang very beautiful bride si Denise sa isa sa mga espesyal na araw ng kanyang buhay.
Sa Instagram, ilang larawan ang ibinahagi ng actress-singer, kung saan makikita ang kanyang look noong araw ng kanyang kasal at ang kanyang wedding gown.
Ang kanyang gown ay mula sa Mark Bride's Manila at ang kanya namang mga larawan ay kuha ng Team Benitez Photo.
Ginanap ang pag-iisang dibdib nina Denise at Carlos noong Biyernes, September 29, 2023.
Bago ang kanilang kasal, ilang prenup photos nila ang ibinahagi ni Denise sa kanyang Instagram account.
Samantala, kasalukuyang napapanood ang Sparkle star sa nangungunang GMA drama series na Abot-Kamay Na Pangarap.
Kilala si Denise sa serye bilang si Doc Eula Sarmiento, ang isa sa mga kaibigan ng karakter ni Jillian Ward na si Doc Analyn Santos.
