Celebrity Life | News

IN PHOTOS: Ang mga babae sa buhay ni Willie Revillame

By Cherry Sun

Published On: March 5, 2017, 07:16 PM

Updated On: September 30, 2020, 02:14 PM

Sa tagal ni Willie Revillame sa showbiz ay marami na ring pangalan ang nadikit sa kanya. Kabilang dito ang mga babaeng kanyang minsang minahal, kanyang mga nakatrabaho at pati na rin ang na-link lamang sa 'Wowowin' host.

Kilalanin ang mga babaeng tumatak sa buhay ni Willie Revillame sa gallery na ito.

1 of 17

Photo by: GMANetwork.com

Princess Punzalan

Si Princess Punzalan ang unang asawa ni Willie, ngunit tumagal lamang ang kanilang pagsasama ng limang taon.

2 of 17

Photo by: @victoraliwalas (IG)

Liz Almoro

Sa ikalawang pagkakataon, muling umibig si Willie sa katauhan ng dating beauty queen na si Liz Almoro. Ang kanilang halos dalawang taong pagsasama bilang mag-asawa ay nagbunga ng isang anak na lalaki, si Juan Emmanuel o Juamee.

3 of 17

Photo by: Nadine San Diego Ignacio (FB)

Nadine Ignacio

Tourism student at 19 years old pa lamang si Nadine Ignacio nang ma-link siya kay Willie. Nagtagpo sila nang mag-guest ang dalaga sa programa ni Kuya Wil bilang isa sa mga kandidata ng isang fitness gym pageant. Aminado si Willie na naging magaan ang loob niya kay Nadine ngunit itinanggi niyang niligawan niya ito.

4 of 17

Photo by: @laraquigaman (IG)

Lara Quigaman

Kasunod ng balitang naghiwalay na sina Willie at Nadine ay ang pagka-link ni Lara Quigaman sa host. Gayunpaman, nilinaw ng dating beauty queen na wala siyang kinalaman sa nangyaring break-up. Na-link din si Lara kay Willie nang makatanggap siya ng bulaklak at relos mula rito.

5 of 17

Photo by: @marieltpadilla (IG)

Mariel Rodriguez

Si Mariel Rodriguez ang pinakamatagal na nakatrabahong female co-host ni Willie. Masasabing nakatulong ito para ma-launch ang career ni Mariel para maging isa sa mga leading TV host.

6 of 17

Photo by: @roxanneguinoo (IG)

Roxanne Guinoo

Maliban sa pagiging co-host noon, naging leading lady rin ni Willie si Roxanne Guinoo sa pelikulang 'Mr. Housewife.'

7 of 17

Photo by: @cristinereyes (IG)

Cristine Reyes

Nadikit din ang pangalan ni Cristine Reyes kay Willie. Gayunpaman, nilinaw ng aktres na magkaibigan lamang sila ng host.

8 of 17

Photo by: @therealaramina (IG)

Ara Mina

Pati ang kapatid ni Cristine na si Ara Mina ay na-link din sa 'Wowowin' host. Naintriga siya kay Willie nang isama siya sa entourage ng dating programa ni Willie na pumunta sa Guam. Itinanggi rin ni Ara Mina na may namamagitan sa kanila at ipinaliwanag niyang matagal na silang magkaibigan.

9 of 17

Photo by: @danitapaner (IG)

Danita Paner

Awkward daw kay Danita Paner noong ma-link siya kay Willie. Aniya malapit siya sa host dahil family friend daw nila ito.

10 of 17

Photo by: www.sarablack.com

Shalani Soledad

Marami ang kinilig nang maging mag-tandem sina Shalani Soledad at Willie sa dati niyang programa. Madalas silang tuksuhin, at madalas namang alaskahin ng host ang mahiyaing konsehala. Hirit kasi ni Willie, siya ang tumulong kay Shalani maka-move on matapos ang break -up nila ng dating Pangulong Benigno “Noynoy” Aquino III.

11 of 17

Photo by: @miriamq888 (IG)

Miriam Quimbao

Naintriga rin si Miriam Quimbao kay Willie nang makatanggap siya ng Louis Vuitton na bag mula sa host. Aniya, natanggap lamang niya ito bilang pasasalamat ni Kuya Wil dahil nag-guest siya sa kanyang programa.

12 of 17

Photo by: Cynthia Villar (YT)

Camille Villar

Nadikit din ang pangalan ng anak ni Manny Villar at Senator Cynthia Villar na si Camille kay Willie. Gayunpaman, nilinaw niyang mabuting kaibigan ng kanilang pamilya ang host.

13 of 17

Photo by: @araarida (IG)

Ariella Arida

Isa rin si Ariella Arida sa female co-hosts ni Kuya Wil. Naimbitahan siya ni Willie na mag-host sa 'Wowowin' dahil napansin daw nito ang kanyang husay at personalidad.

14 of 17

Photo by: @planetumeboshi (IG)

Marimonte Revillame

Walang mang partner ngayon, si Marimonte, ikatlong anak ni Willie, ang isa mga constant na babae sa kanyang buhay.

15 of 17

Photo by: @planetumeboshi (IG)

Meryll Soriano

Nanatili rin si Meryll Soriano bilang isa sa mga mahahalagang babae sa buhay ng kanyang ama. Siya ang panganay na anak ni Willie.

16 of 17

Photo by: @becsoriano (IG)

Bec-bec Soriano

Si Bec-bec Soriano, kapatid ni Maricel Soriano, ang teenage sweetheart ni Willie. Bunga ng kanilang pag-iibigan ang panganay nilang anak na si Meryll.

17 of 17