Jo Berry, nakatanggap ng maliit na rocking chair mula kay Alden Richards

Isang cute na regalo ang natanggap ni Kapuso actress Jo Berry mula sa kanyang The Gift co-star na si Asia's Multimedia Star Alden Richards.

Niregaluhan kasi siya nito ng maliit na foldable rocking chair.

Iniabot ni Alden ang regalo kay Jo habang nagte-taping ng kanilang serye.

Ibinahagi ni Jo ang picture nila ni Alden kasama ang rocking chair sa kanyang Instagram account.

"Spoiled," simpleng caption niya sa kanyang post.

View this post on Instagram

Spoiled 🦖

A post shared by Jo Berry (@thejoberry) on Nov 19, 2019 at 1:23am PST

Kababalik lang ni Alden mula sa Dubai para sa concert special doon ng longest running noontime show na Eat Bulaga.

Samantala, mapapanood sina Alden at Jo gabi-gabi sa GMA Telebabad series na The Gift. Tunghayan ito Lunes hanggang Biyernes, pagkatapos ng Beautiful Justice.