WATCH: Ashley Ortega, hindi nag-rebelde kahit lumaking walang ama
Ang ganda ng 19-year-old Kapuso cutie na si Ashley Ortega ay salamat daw sa mixed blood ng kanyang amang Spanish-Filipino at German-Filipina na ina.
Pero, hindi niya naranasang lumaki kasama ang kanyang ama.
"Siguro at the age of five, nag-separate na 'yung parents ko. We were kids that time. Medyo hindi pa namin na understand but nakasanayan na namin that way," paliwanag niya.
Sa kustodiya ng kanilang nanay nanatili Ashley at ang kanyang dalawang kapatid. Wala din daw silang komunikasyon sa kanilang tatay simula noon.
"Siguro that was the biggest challenge sa life namin—growing up without a father. Noong una, it was hard pero nakasanayan ko na siya eh. Nakasanayan na naming lahat," bahagi niya.
Masaya naman daw siyang lumaki pa rin sila nang maayos.
"What's important is hindi kami naging rebel, kaming magkakapatid, kasi natanggap na naming lahat," pahayag ni Ashley.
Panoorin ang interview ni Rhea Santos kay Ashley sa Tunay Na Buhay.
Video from GMA Public Affairs
