Who is Pernilla Sjoö?
Usap-usapan ngayon sa social media ang foreigner na si Pernilla Sjoö matapos siyang ma-link sa kilalang surfer na si Philmar Alipayo, fiancé ng dating aktres na si Andi Eigenmann.
Hinala ng netizens, si Pernilla ang pinatatamaan ni Andi sa kanyang Instagram Stories tungkol sa isang taong nagtraydor sa kanya. Kaugnay umano ito sa lumabas na larawan ng Swedish national na si Pernilla at ng Pinoy surfer na may matching tattoo na "224" o nangangahulugang "today, tomorrow, forever."
Marami tuloy ang na-curious kay Pernilla dahil sa isyu. Base sa mga impormasyon sa internet, isa siyang underwater photographer na na-in love sa Pilipinas kaya pinili niyang manirahan sa bansa mula pa noong 2013.
Bukod kina Andi at Philmar, malapit din siya sa iba pang Pinoy celebrities gaya ng mag-asawang sina Ellen Adarna at Derek Ramsay. Naging kliyente rin niya ang Kapuso couple na sina Jennylyn Mercado at Dennis Trillo.
May background din siya sa pagma-manage ng hotels at kilala rin bilang mental health and wellness coach.
Kilalanin pa si Pernilla sa gallery na ito.
Clients
Ilan sa kanyang mga kliyente ang mag-asawang Jennylyn Mercado at Dennis Trillo. Nakunan sila ng litrato ni Pernilla Sjoö nang mag-scuba diving sila sa Anilao, Batangas noong 2021.
Andi Eigenmann and Philmar Alipayo
Si Pernilla Sjoö rin ang kumuha ng underwater pictures nina Andi Eigenmann at Philmar Alipayo noong ipinagbubuntis ng celebrity couple ang kanilang ikalawang anak na si Koa.
Resort
Naging general manager ng isang diving and leisure resort si Pernilla Sjoö sa Anilao, Batangas.
Celebrity friends
Malapit din si Pernilla Sjoö sa iba pang celebrities gaya ng mag-asawang sina Ellen Adarna at Derek Ramsay. Parte sila ng isang self-improvement and transformation training center, kung saan assistant coach at general manager si Pern.
Fitness
Isa ring fitness enthusiast si Pernilla Sjoö. Noong 2024, binuo niya ang first-ever running club sa Siargao, ang Siargao Runners.
Surfing
Matapos mahilig sa underwater photography, pinagkakaabalahan naman ngayon ng Swedish national ang surf photography. Isa rin siyang drone pilot.
