Celebrities who have been married more than once
Maraming kilalang personalidad at celebrities ang masayang nahanap ang kanilang tunay na pag-ibig sa unang beses na magpakasal sila.
Subalit, katulad ng maraming tao sa buong mundo, may ibang personalidad rin na kung hindi man nagtagumpay ang unang kasal ay muling sumubok upang magpakasal muli sa ibang tao.
Narito ang listahan ng mga celebrities na nagpakasal ng dalawa o higit pa sa magkaibang tao.
Aiai Delas Alas and Miguel Vera
Taong 1989 nang unang kinasal si Aiai Delas Alas sa dating aktor na si Miguel Vera. Dalawa ang naging anak nina Aiai at Miguel--sina Sophia delas Alas at Sean Nicolo delas Alas--bago sila naghiwalay noong 1996.
Aiai Delas Alas and Jed Salang
Matapos ang mahabang panahon, muling nagpakasal si Aiai kay Jed Salang noong 2013 ngunit hindi nagtagal ay naghiwalay rin sila.
Aiai Delas Alas and Gerald Sibayan
Noong 2017, muling ikinasal si Aiai kay Gerald Sibayan ngunit naghiwalay rin sila ngayong 2024. Ayon kay Aiai, nakipaghiwalay si Gerald sa pamamagitan ng chat, kung saan sinabi ng huli na hindi na siya masaya at gusto na niyang magkaanak.
Sharon Cuneta and Gabby Concepcion
Unang nagpakasal si Sharon taong 1984 sa Manila Cathedral kay Gabby Concepcion, ang kanyang katambal sa mga pelikula. Na-annul ang kasal nilang dalawa noong 1993 pero naghiwalay na sila taong 1987. Mayroon silang isang anak, ang aktres na si KC Concepcion.
Sharon Cuneta and Kiko Pangilinan
Noong 1996, ikinasal muli si Sharon sa politikong si Kiko Pangilinan. Mayroong tatlong anak sina Sharon at Kiko na sina Kakie, Miel, at Miguel.
Gabby Concepcion and Jenny Syquia
Taong 1993 na-annul ang kasal nina Gabby at Sharon. Matapos nito ay pinakasalan agad ni Gabby si Jenny Syquia subalit naghiwalay rin sila noong 1996. Nagbunga ang kanilang pagmamahalan ng isang anak, ang beauty queen na si Cloie Skarne Hill.
Gabby Concepcion and Genevieve Yatco Gonzales
Noong 2004, muling nagpakasal si Gabby kay Genevieve Yatco Gonzales at biniyayaan sila ng dalawang anak na sina Maria Samantha at Maria Savannah.
Ogie Alcasid and Michelle van Eimeren
Taong 1995, nagpakasal si Ogie at ang 1994 Miss Universe Australia na si Michelle van Eimeren sa Pilipinas pero na-annul ang kanilang kasal noong 2007. Mayroon silang dalawang anak na sina Leila at Sarah.
Ogie Alcasid and Regine Velasquez
Noong 2010, pinakasalan ni Ogie si Regine Velasquez sa Nasugbu, Batangas. Mayroon silang isang anak na si Nathaniel James.
Kristine Hermosa and Diether Ocampo
Taong 2004 nang magpakasal sina Kristine at Diether ngunit hindi nagtagal at naghiwalay sila. Opisyal na na-annul ang kanilang kasal taong 2009.
Kristine Hermosa and Oyo Boy Sotto
Noong 2011, nagpakasal si Kristine kay Oyo Boy Sotto sa Club Balay Isabel sa Batangas. Mayroon silang anim na anak na sina Kristian Daniel, Ondrea Bliss, Kaleb Hanns, Marvic Valentin, Vittorio Isaac, at Isaiah Timothy.
Vic Sotto and Dina Bonnevie
Taong 1982 nang unang ikinasal si Vic sa aktres na si Dina Bonnevie nguhit naghiwalay rin sila noong 1986 bago tuluyang na-annul ang kanilang kasal taong 1992. May dalawa silang anak na sina Danica at Oyo Boy.
Vic Sotto and Pauleen Luna
Matapos ang mahabang panahon, nagpakasal muli si Vic kay Pauleen Luna taong 2016 sa Saint James the Great Parish Church sa Alabang. May dalawa silang anak na sina Tali at Mochi.
Carmina Villarroel and BB Gandanghari
Taong 1994 nang magpakasal si Carmina at BB Gandanghari, na noon ay kilala pa bilang Rustom Padilla. Ngunit na-annul ang kanilang kasal noong 2002.
Carmina Villarroel and Zoren Legaspi
Isang dekada matapos ma-annul ang kasal sina Carmina at BB, nagpakasal siyang muli kay Zoren Legaspi sa isang surprise wedding noong 2012. Mayroon silang dalawang anak, ang kambal at Kapuso stars na sina Mavy at Cassy Legaspi.
Dra. Vicki Belo and Atom Henares
Dekada 80 nang unang magpakasal si Dra. Vicki Belo sa businessman na si Atom Henares, ngunit naghiwalay rin sila matapos ang 11 na taon. Nagbunga ang kanilang pagsasama ng dalawang anak na sina Quark Henares at Cristalle Henares-Pitt.
Dra. Vicki Belo and Hayden Kho
Noong 2017, nagpakasal muli si Dra. Vicki Belo sa kapwa doktor na si Hayden Kho sa Paris. Mayroon silang anak na si Scarlet Snow na pinanganak noong 2015.
Robin Padilla and Liezl Sicanco
Unang nagpakasal si Robin kay Liezl Sicanco noong 1996 at nagsama sila hanggang 2007. Mayroon silang apat na anak na sina Kylie, Queenie, Ali, at Zhen-Zhen.
Robin Padilla and Mariel Rodriguez
Noong 2010 muling ikinasal si Robin sa host na si Mariel Rodriguez. Mayroon silang dalawang anak na sina Maria Isabella at Maria Gabriela.
Camille Prats and Anthony Linsangan
Noong 2008 nang unang ikinasal si Camille Prats sa yumaong si Anthony Linsangan sa isang civil wedding sa Los Angeles, at nasundan ito ng church wedding noong 2010 sa Santuario de Antonio. Sa hindi inaasahang pagkakataon, pumanaw si Anthony noong 2011 dahil sa cancer. Mayroon silang isang anak na si Nathaniel.
Camille Prats and VJ Yambao
Noong 2017, muling nagpakasal si Camille sa kanyang childhood friend na si VJ Yambao sa Nayomi Sanctuary Resort. Mayroon silang dalawang anak na sina Nala at Nolan.
Maritoni Fernandez and Alex Alvarez
Walong taon ding nagsama sina Maritoni Fernandez at Alex Alvarez bago sila tuluyang naghiwalay. Mayroon silang isang anak, ang dating aktres na si Lexi Fernandez.
Maritoni Fernandez and Mon Dayrit
Noong 2020 nang ikinasal muli si Maritoni kay Mon Dayrit sa Paranaque.
Sherilyn Reyes and Junjun Santiago
Noong 1997 nang unang magpakasal si Sherilyn Reyes kay Junjun Santiago, pero naghiwalay rin sila noong 2003. Mayroon silang isang anak na si Ryle Paolo (in photo).
Sherilyn Reyes and Chris Tan
Matapos ma-annul ang kasal ni Sherilyn at Junjun, nakapagpakasal na sina Sherilyn at Christ Tan noong 2003. Mayroon silang dalawang anak na sina Lorenz at Anya Sabrina.
Vilma Santos and Edu Manzano
Taong 1980 nang magpakasal si Vilma sa kapwa aktor na si Edu Manzano ngunit naghiwalay rin sila taong 1982. Anak nila ang TV host na si Luis Manzano.
Vilma Santos and Ralph Recto
Noong 1992, ikinasal sina Vilma at ang politkong si Ralph Recto sa San Sebastian Cathedral sa Lipa, Batangas.
Edu Manzano and Maricel Soriano
Taong 1989 nang magpakasal sina Edu Manzano at Maricel Soriano ngunit naghiwalay rin sila noong 1991.
Cesar Montano and Sunshine Cruz
Noong 2000, nagpakasal si Cesar at Sunshine Cruz, ngunit na-annul ang kanilang kasal noong 2018. Mayroon silang tatlong anak na sina Angelina Isabelle, Samantha Angeline, at Angel Francheska.
