TINGNAN: Ganito ang mga artista sa likod ng kamera

International fashion at style icon man kung tawagin, hindi pa rin mawawala ang pagmamahal ni Heart Evangelista sa mga produkto ng Pilipinas dahil siya mismo ang namili sa Sorsogon ng mga ilalabas niya sa "Maison Love Marie."

Bagamat nakakaraos na sila sa buhay, hindi pa rin kinalilimutan ni Jinkee Pacquiao ang buhay nila sa probinsya noon. Sa katunayan, noong quarantine ay tinuruan niya ang kanyang mga anak kung paano mano-manong maglaba ng mga damit, katulad ng ginagawa niya dati.

Mula noong iniwan ni Andi Eigenmann ang showbiz ay payak na siyang namumuhay sa isla ng Siargao sa Mindanao. Sa katunayan, may nakakita noon kay Andi habang siya ay naka-angkas sa motor habang may bitbit na drum.

Sa halip na ipa-carwash, si Paul Salas na mismo ang naglinis ng kanyang kotse habang walang ginagawa sa bahay noong lockdown.

Mano-mano mang naglalaba, artistahin pa rin ang dating ni Chie Filomeno.

Si Kapuso Primetime Queen Marian Rivera mismo ang nagluto ng mga handa sa unang buwan ng kanyang panganay na anak na si Zia na isinilang noong November 23, 2015.

Alam niyo bang dumadayo pa sa University of the Philippines (UP) Diliman ang aktres na si Jennylyn Mercado upang mag-ensayo kasama ang kanyang mga kaibigan? Bukod sa pagiging aktres, isa ring triathlete si Jennylyn.

Habang commercial ang 'Eat Bulaga,' lumabas muna saglit ang host nitong si Ryan Agoncillo upang kumain ng mga tusok-tusok.

Hindi na nakakagulat na simple lang ang pamumuhay ni John Lloyd dahil noong panandalian niyang iniwan ang showbiz, sila mismo ng aktres na si Ellen Adarna ang naggo-grocery noong magkarelasyon pa sila.

Dahil sa dami ng biyayang kanyang natatanggap, binabalik rin ni Asia's Multimedia Star ito sa mga tao tuwing kanyang kaarawan. Sa katunayan, noong 2016 ay mas pinili ni Alden na makasama ang mga Aeta ng Bamban, Tarlac.

Hindi pihikan sa pagkain si Paolo Ballesteros dahil kapag siya ay gutom ay game na game siyang kumain sa mga karinderya ng mami, goto, at barbeque sa tabi-tabi.

Katulad ng maraming bata noon, paborito rin ni Maine Mendoza ang candy na Haw Haw hanggang sa naging artista na siya.

Bukod sa pagiging artista, mukhang nakahanap na rin ng iba pang pagkakakitaan ang aktor na si James Blanco dahil siya muna ang nagluto ng iba't ibang Pinoy street foods.

Isa nang chef ang dating artista na si China Conjuangco ngunit hindi pa rin mawawala ang kanyang pagkahilig sa chicken balls at tokneneng.

Isa nang haligi ng GMA News and Public Affairs si Howie Severino ngunit hindi nawala sa kanya ang pagiging bike commutter mapa-trabaho man o hindi.

Noong bata pa ang mga anak ni Chariz Solomon ay humahanap talaga siya ng oras para makapag-pump ng kanyang breast milk.

Hands on ang aktor na si Jak Roberto sa mga alaga nilang aso. Sa katunayan, siya na mismo ang nagpapaligo at nagpapatuyo sa kanila.

Biktima rin si Laura Lehmann ng traffic sa EDSA kaya naman hindi siya nagdalawang-isip na sumakay sa MRT para hindi mahuli sa kanyang trabaho.

Busy man ang nag-iisang megastar na si Sharon Cuneta, hindi pa rin siya nawawalan ng oras para sa kanyang pamilya. Sa katunayan, pagkatapos ng kanyang showbiz commitments ay sumama siya sa kanyang pamilya na manood ng 'Black Panther.'

Galing sa mayamang pamilya sa Cebu ang aktres na si Ellen Adarna ngunit sa kabila nito ay marunong siya sa mga gawaing bahay tulad ng paglalaba.

Lumabas ang kasimplehan ni Bianca Gonzales nang siya ay ikasal sa basketball player na si JC Intal dahil imbis na mamahaling gown ay isang ready-to-wear gown ang kanyang isinuot.

Artista man ang kanyang mga magulang, na-experience rin ni Baby Alas na maligo sa batya imbis na sa magarbong bath tub.

Imbis na bumili ng pabango para sa closet ay mga sabon ang ginagamit ni Iya Villania sa kanilang closet.

Kahit maari namang bumili at kumain sa iba't ibang restaurant, iba pa rin ang sarap kapag lutong bahay, at 'yan ang pinatunayan ng magkapatid na Solenn at Erwan Heussaff.

Tuwing break sa taping, enjoy sina Gabbi Garcia at Ruru Madrid sa sorbetes na tinitinda sa gilid ng kalsada.

Sa shoot ng programang 'The Half Sisters,' enjoy na enjoy sina Barbie Forteza, Andre Paras, at Derrick Monasterio sa pagkain ng Balutkahit na may araw pa.

Hindi na masyadong napapanood sa telebisyon si Danica Sotto dahil busy na siya sa kanilang kusina. Sa katunayan, si Danica mismo ang nagbe-bake ng pan de sal na sakto tuwing umaga at hapon.

Hands on na hands on ang dating aktres na si Bettina Carlos sa kanyang dating negosyo na pagbe-bake ng pastries na siya mismo ang pumupunta sa tindahan para mamili ng kanyang gagamiting sangkap.

Bago bumalik sa showbiz, naging hands-on mom at businesswoman si Jennica Garcia. Si Jennica mismo ang sumasakay sa jeep at pumupunta ng Divisoria upang bumili ng materyales na kailangan sa kanilang negosyo.

Napabalik-tanaw ang aktres na si Anne Curtis nang bumili siya ng taho sa anak ng dati nilang suki na si Mang Boy noong nakatira pa sila sa Mandaluyong.

Ang paboritong snack ng broadcast journalist na si Christine Bersola-Babao ay ang masarap na kamias na may kasamang asin.

Kinoronahan na bilang Miss Universe si Pia Wurtzbach noon ngunit enjoy pa rin siya sa isang boodle fight kasama ang kanyang nobyo noon na si Marlon Stockinger.

May kaya man ang pamilya ni Bae-by Baste, hindi mapili sa pagkain ang cute na child actor. Tortang talong at tuyo lang ay okay na okay na si Baste!

Noong kinasal si Kitchie Nadal, napagdesisyonan niyang magsuot ng gown na nagkakahalaga lamang na 799 pesos.

May kanya-kanya man silang sasakyan, pinili pa rin nina Michael V at Jake Vargas na sumakay sa LRT.

Pinatunayan nina Chynna Ortaleza at Kean Cipriano na kahit anong gawin ay masaya basta't magkasama silang dalawa, tulad na lang ng pagsakay ng tricycle.

Noong nakatira pa sa Pilipinas si Aiai Delas Alas, hindi siya nahihiyang ipakita ang kanyang simpleng buhay kasama ang anak na si Sancho Delas Alas.

Bukod sa pagiging artista, isa ring events planner ang komedyanteng si Tuesday Vargas. Alam niyo bang siya mismo ang pumupunta sa Dangwa upang mamili ng mga bulaklak? Pumupunta rin si Tuesday sa UP Diliman upang kumain sa Rodic's.

Nang magpahinga si John Lloyd sa mundo ng showbiz, simple siyang namuhay sa Cebu. Sa katunayan, nagpapagupit siya sa isang local barber shop sa presyong 40 pesos.

Hindi laki sa yaman si Coco Martin kaya naman kahit ngayon ay gustong-gusto pa rin niyang kinakain ang isaw.

Nakarating na ang tinaguriang "King of the Catwalk" na si Sinon Loresca ngunit hindi pa rin niya kinalimutan ang kanyang kinalakihan.

Para kay Andre Paras, ang kanyang "source of happiness" ay ang pagkain ng iba't ibang street food.

Artista na si Abdul Raman ngunit gustong-gusto pa rin niya ang sumasakay sa LRT-2 dahil sa ganda ng view nito.