IN PHOTOS: Different looks of Marian Rivera as Miss Universe 2021 judge
Bukod kay Miss Universe 2021 Top 5 finalist na si Beatrice Luigi Gomez, may isang Pinay pa ang umangat ang ganda sa nasabing international beauty pageant kamakailan. Ito ay ang Kapuso Primetime Queen na si Marian Rivera-Dantes.
Isa si Marian sa all-female selection committee ng Miss Universe 2021 na ginanap sa Eilat, Israel, nitong Disyembre. Lumutang ang ganda ng Filipina actress sa kaniyang gowns at outfits na idinisenyo ng ilang sikat na fashion designers kabilang na si Francis Libiran.
Balikan ang trending Miss Universe 2021 OOTD ni Marian DITO:
Silky Cream Dress
Isa sa unang isinuot ni Marian sa Israel bilang Miss Universe 2021 judge ay ang bell sleeved at ankle-length na cream silk dress na bumagay sa kaniyang pagiging mestisa.
Jenny Packham Dress
Sa preliminary competition, isinuot ni Marian ang simple pero eleganteng crystal-embellished black dress mula sa British fashion designer na si Jenny Packham.
Steph Tan Dress
Looking fine at fierce naman si Marian suot ang white Steph Tan dress na isa sa kaniyang mga outfit bilang hurado sa nagdaang beauty pageant. Ipinost pa ni Marian sa kaniyang Instagram account ang larawan niya habang suot ang dress na ito.
"Managed to take a quick snap in between schedules," sulat ni Marian.
Morning Look
Fresh ang morning look ni Marian suot ang white robe na bumagay sa kaniyang wavy at silky hair. "Just about to start my day… Good morning!" caption ni Marian sa kaniyang post bago sumalang sa coronation night.
Judge Marian
White turtleneck outfit naman ang isinuot ni Marian habang binabasa ang profiles ng Miss Universe 2021 candidates.
Goddess
Mala-dyosa rin ang dating ni Marian suot ang bell sleeved at pink silky dress habang naghahanda sa Miss Universe 2021 coronation night.
Francis Libiran Gown
Sumabay sa ingay ng #MissUniverse2021 pageant online ang much-awaited look ni Marian sa coronation night. Isinuot ng aktres ang pink and sexy off-shoulder gown na gawa ng renowned Filipino fashion designer na si Francis Libiran.
Glam Team
Lumipad din kasama ni Marian patungo ng Israel ang kaniyang team upang umalalay at sumuporta sa kaniya sa international beauty pageant.
Supportive Husband
Marami rin ang natuwa kay Kapuso Primetime King Dingdong Dantes, na all-out ang suporta sa kaniyang asawang si Marian. “I don't mind being this judge's water boy during tonight's preliminary event," ani Dingdong.
