IN PHOTOS: Ang mga lalaki sa buhay ni Jelai Andres
Isa si Jelai Andres sa mga itinuturing Internet sensation sa bansa na matagumpay na nakapasok sa mundo ng showbiz.
Bukod sa kanyang vlogs na milyun-milyong views, madalas din nagiging laman ng mga balita si Jelai dahil sa mga kontrobersyal na nangyari sa kanyang buhay pag-ibig.
Noong nagsimulang mag-vlog si Jelai, magkasama pa sila ng dati niyang kasintahan na si Jon Gutierrez o King Badger ng Ex-Battalion.
Sumikat ang dalawa sa mga nakakakilig at nakakatuwang vlogs nila bilang Team JoLai.
Naging mag-nobyo sina Jon at Jelai noong 2015.
Nang sumunod na taon, unang napabalitang naghiwalay ang dalawa dahil umano sa pambababae ni Jon.
Ngunit nagkaayos din ang dalawa noong 2017 at nag-propose si Jon kay Jelai noong August ng taon na 'yon, habang nagpe-perform ang kanilang grupong Ex-Battalion.
Nagpakasal ang dalawa noong October 6, 2018 sa Fernwood Gardens sa Tagaytay City.
Ngunit noong February 2019 ay nagpahiwatig na sa mga cryptic posts sa social media si Jelai na nagkakaroon na sila ng problema bilang mag-asawa.
At noong April 2019, kinumpirma ni Jelai na sila'y nagkahiwalay ni Jon dahil nahuli raw niya ulit ito na nambababae.
Noong September 2019, muling nagkasama sina Jon at Jelai sa Kapuso series na 'One of the Baes.'
Dito nagsimulang maging malapit muli ang mag-asawa at nakita na rin silang magkasama sa ilan sa kanilang mga vlogs.
Nagkatrabaho ulit sina Jon at Jelai sa series na 'Owe My Love' na nagsimulang umere nito lamang Pebrero.
Ngunit sa kasamaang palad, bago pa man umamin ang dalawa na muli silang nagkabalikan, ibinulgar ni Jelai sa social media nitong Marso na muli umano siyang niloko ng asawang si Jon.
Hindi pa malinaw kung talagang tutuldukan na ng dalawa ang kanilang kasal, ngunit sa ngayon patuloy lang si Jelai sa pag-focus sa kanyang career at handa na raw siyang magsimula ng bagong buhay matapos ang kanilang hiwalayan.
Kilalanin ang ilan sa mga lalaki sa buhay ni Jelai Andres sa gallery na ito.
Ang mga lalaki sa buhay ni Jelai Andres
Sinu-sino nga ba ang mga lalaki sa buhay ng Kapuso artist na si Jelai Andres?
Ama ni Jelai
Ang unang lalaki sa buhay ni Jelai Andres ay ang kanyang ama. Kuha ito noong bagong taon ng 2021.
Jamir
Isa sa pinakamalapit na lalaki sa puso ni Jelai ang ang kanyang pamangkin na si Jamir, na madalas napapanood sa kanyang vlogs.
Jon Gutierrez
Simula 2015 hanggang nito lamang Marso, si Jon Gutierrez o King Badger ng Ex-Battalion ang lalaking nasa puso ni Jelai Andres.
Team JoLai no more
Sa kasamaang palad, muling naghiwalay ang mag-asawa dahil umano nahuli ni Jelai Andres na may ibang babae si Jon Gutierrez.
First leading man
Ayong kay Jelai Andres, si Michael Angelo Lobrin ang naging fist leading man niya sa palabas na '#MichaelAngelo: The Sitcom.'
Polo Ravales
Former T.G.I.S. star at 'Magkaagaw' actor na si Polo Ravales
Japan shows
Bago pa man maging vlogger si Jelai Andres, nagkaroon muna siya ng solo singing career. Isa sa mga nakatrabaho niya ay si Polo Ravales. Nagkasama sila noong 2014 sa ilang shows sa Japan at pareho sila ng talent management noon.
Friends
Una silang nagkatrabaho sa 'One of the Baes'. Mula sa pagiging parte ng isang love triangle, naging magkapatid naman ang roles nila sa 'Owe My Love.'
Amay
Si James Teng ang ka-love triangle nina Jelai Andres at Buboy Villar sa 'One of the Baes.' Siya ang gumanap bilang si Amay, isa sa mga may pagtingin sa karakter ni Jelai na si Dorie.
Ken Chan
Naging malapit din si Jelai Andres sa Kapuso star na si Ken Chan, na isa sa mga bida sa 'One of the Baes.'
Jojowain o Trotropahin
Sa isang vlog ni Jelai Andres, isa siya sa mga celebrities na pinili ni Ken Chan na “jojowain.”
Joel Palencia
Isa ang 'That's My Bae' member na si Joel Palencia sa mga lalaki sa buhay ni Jelai Andres.
Close friends
Madalas makita sina Jelai Andres at Joel Palencia na magkasama sa TikTok videos at kani-kanilang YouTube vlogs.
Viral photo
Nag-viral noong 2019 ang larawan na ito ni Jelai Andres kasama ang isang non-showbiz guy. Noong panahong 'yon ay naghiwalay sila ni Jon Gutierrez matapos raw niya itong mahuling mambabae. Inakala nang marami na ito na ang bagong lalaki sa buhay ni Jelai noon, pero agad nilinaw ng social media star at aktres na nagpa-picture lamang sa kanya ang lalaking ito.
Carlo Aquino
Inamin ni Jelai Andres sa isa sa kanyang vlogs na dati pa niya crush ang dating 'G-mik' star na si Carlo Aquino. Kaya nga raw Jelai ang naging palayaw niya dahil ito ang pangalan ng karakter ni Angelica Panganiban na siyang ka-love team noon ni Carlo.
Future leading man?
Batid naman ni Jelai Andres na happy family man na si Carlo Aquino ngayon kaya ang biro niya, “Ate, pahiram lang. Pang teleserye lang, ate.”
Barang
Nakatrabaho ni Jelai Andres kamakailan si Zeus Collins sa horror special na inupload niya sa kanyang vlog. Ito ay pinamagatang 'Barang,' at may steamy scenes ang dalawa rito.
Paul Salas
Kilig vibes din ang hatid ng tambalan nina Jelai Andres at Paul Salas sa social media dahil madalas din na magsama ang dalawa sa kanilang mga vlog.
Tiktok Jowa
Marami rin ang nag-aabang kung saan mapupunta ang closeness ng dalawa dahil uma-acting din ang mga ito bilang couple sa TikTok.
Derrick Monasterio
Naging malapit din sa isa't isa sina Jelai Andres at Kapuso hunk actor Derrick Monasterio dahil sa isang episode ng Dear Uge. Bukod dito, gumawa rin ang dalawa ng ilang pakilig content sa social media.
Buboy Villar
Nagsimula ang magandang samahan nina Jelai Andres at Buboy Villar nang magkapareha sila sa dating GMA Telebabad series na 'Owe My Love' noong 2021.
Running Man PH
Bilang sorpresa, niregaluhan ni Jelai si Buboy ng maleta na gagamitin niya para sa shoot ng 'Running Man PH' sa South Korea. Kaya naman pangako ni Buboy: 'Promise gagalingan ko sa Running Man alang-ala sa 'yo.'
