IN PHOTOS: Carmina Villarroel's snowman collection

Sa vlog ni Carmina Villarroel ay nilibot niya ang kanilang bahay para ipakita ang kanyang collection ng snowman.

Ang mga snowman ni Carmina ay dumami na sa ilang taon niyang pamimili nito. Ang iba ay regalo dahil alam ng mga malalapit sa kanya na mahilig siya rito.

Ipinakita rin ni Carmina ang kanyang pagkahilig sa DIY. Isa sa mga ito ay ang lamp na nilagyan niya ng Christmas balls para maging pasok sa holiday season.

Isa sa mga fur babies ng Legaspi family ay pumanaw umano noong debut nina Mavy at Cassy Legaspi. Ayon kay Carmina, ito ang alaga talaga ni Zoren Legaspi sa kanilang bahay. Kuwento ni Carmina, nananatili ang mga labi nito sa kanilang bahay at sinamahan niya ng snowman para ma-feel rin nito ang Christmas season.

Hanggang powder room umabot ang holiday decorations ng Legaspi family.

Mayroon ring mga snowman na ipinangalan sa miyembro ng Legaspi family.

Nag-DIY rin ng wreath si Carmina, at siyempre sinamahan niya ito ng snowman.

Bawat sulok ng bahay ng Legaspi family ay sinigurado ni Carmina na mayroong snowman.

Pati Christmas tree, snowman rin ang theme ni Carmina.

Laking tuwa ni Carmina na may music na ang kanyang snowman display.

Hanggang dining table, kasama pa rin ang mga snowman.

Sa pagtatapos ng vlog ni Carmina, inihayag niyang may 57 pieces ng snowman sa kanilang bahay.

Mapapanood sa 2-part decorating video ang iba't ibang bahagi ng kanilang bahay na nilagyan ng festive na decorations ng Kapuso star.