Alden Richards at Kathryn Bernardo, reunited kasama ang 'Hello, Love, Goodbye' cast
Muling nagsama-sama ang ilan sa cast ng 2019 hit film na Hello, Love, Goodbye na sina Alden Richards, Maymay Entrata, Kakai Bautista, at Lovely Abella sa 28th birthday celebration ng aktres na si Kathryn Bernardo.
Sa Instagram post ni Lovely, makikita ang kanilang masayang bonding sa isang private yacht sa El Nido, Palawan.
“My Ga namin!! Happy birthday we love you so much!! @bernardokath,” caption ng Kapuso comedian sa kanyang post.
Sa comments section ng nasabing post, maraming netizens naman ang kinilig sa reunion ng cast lalo na ang muling pagsasama nina Alden at Kathryn. Ang request ng ilan ay masundan na ang kanilang naging pelikula.
“Hello Love mga loves sana may RomCom movie ulit,” komento ng isang fan.
Samantala, naghahanda naman ngayon si Alden para sa kaniyang upcoming series na Pulang Araw kasama sina Barbie Forteza, Sanya Lopez, David Licauco, at Dennis Trillo.
RELATED GALLERY: All the times Kathryn Bernardo confidently shows off her sexy body
