WATCH: Kiray Celis shares advice on how to love your body
Hindi man biniyayaan ang Kapuso actress na si Kiray Celis ng mahabang biyas o legs, mahal na mahal pa rin niya ang kaniyang katawan!
Sa Kapuso ArtisTambayan, nag-share si Kiray ng tips para sa mga petite girls na kagaya niya.
Aniya, "Sa aming mga maiikli ang mga legs and mga arms, aminado naman ako dahil kung hindi mo tatanggapin sa sarili mo, kawawa ka. Hindi dapat pinipilit 'yung mga damit na hindi talaga dapat bagay para sa proportion ng katawan mo kagaya ng mga malalaking pants. Hindi 'yun bagay sa'min kasi ang liit na nga namin tapos ang luluwag pa ng pantalon. Siguro more on fit na pants para nakikita talaga na may legs, gaano man kaikli 'yan, may legs ka pa rin.
"Pero naniniwala ako sa kasabihan na minsan kasi 'pag trip ko, kung ano'ng damit ko kahit hindi bagay sa'kin, dadalhin ko 'to kasi kaya ko 'to. So kung ano 'yung maiisip mo sa sarili mo, iyon din 'yung maiisip sa'yo ng tao. Kaya kung mayroon kang confidence sa sarili mo, mabibigay mo iyon sa ibang tao at iyon rin ang ibibigay nila sa'yo.
"Kaya kung nahihiya ka sa sarili mo, wala talagang papansin sa'yo, walang kapansin-pansin sa'yo kasi sarili mo nga hindi mo magustuhan, paano ka magugustuhan ng ibang tao?"
Panoorin ang payo ni Kiray sa Kapuso ArtisTambayan below:
