Beauty queen-turned-triathlete Faith Garcia, may 'ipinaglalaban' sa tuwing sumasali ng marathons
Around GMA
Around GMA
Marcos 'unbothered' by impeachment complaint NCAA announces S101 volleyball tourney groupings, updates Marian Rivera's Italian designer bag completes her pink outfitArticle Inside Page
Showbiz News
May iba't ibang motivation ang mga sumasali sa triathlon, pero may mas malalim na dahilan si Faith Garcia kung bakit niya ito pinagpapaguran taon-taon.
Hindi biro ang paghahanda para sa isang triathlon. Puspusang physical and mental training at conditioning, pati na rin strict diet at wastong sleeping habits, ang kailangan sundin sa loob ng mahigit isang buwan ng mga nagnanais makilahok sa naturang matinding sporting event.
May mga triathletes na sumasali para mag-set ng kani-kanilang personal best, o ang record ng kanilang "fastest time" na matapos ang race. Mayroon rin na nakikilahok sa taunang event dahil isa ito sa "goals" nila sa kanilang "bucket list." Pero may iilan din naman na ginagawa ito dahil mayroon silang mas malalim na personal na pinaghuhugutan.
Bukod sa pagiging beauty queen, isang fierce competitor si Faith Garcia pagdating sa larangan ng marathons. | Photo source: @f8garcia Instagram
Para kay beauty queen-turned-triathlete Faith Garcia, ang pagsali sa mga triathlon ay hindi para sa "prestige" at "glory," kundi para ito sa kanyang tatay na may sakit.
"I really want to push sports, not just triathlon, because 'yung dad ko kasi, twice na po siya na-stroke," ang emosyonal na sagot ng 29-year-old Miss Aura International 2021 sa tanong ng GMANetwork.com sa My Daily Collagen Triathlon 2024 presscon kamakailan sa Quezon City.
"For me I really want to share awareness na it's really important to take care of yourself and by doing triathlons, do'n ka nagkakaroon ng inspiration na hindi ka lang nag-e-enjoy, parang nakakatulong ka pa na to improve yourself, your health.
"I want to encourage more people [to join]. Kung iisipin mo lang nga na magta-triathlon ka, it's really hard to start if you will just think about it. You need to start training for it and try it, kasi do'n mo lang mare-realize na, 'Ay, ang sarap pala magtriathlon.'"
Isa lang si Faith sa mga mahigit 400 na lalahok sa My Daily Collagen Triathlon na gaganapin sa March 10, 2024 sa Subic Bay, Zamabales.
Humarap sa media kamakailan sina (mula sa kaliwa) Ann Perez, Coach Nylah Bautista, Oliver Salas, Faith Garcia, at Micah Muñoz, para mag-share ng kani-kanilang race experience at health advice.
Ayon kay Oliver Salas, ang Chief Sales Officer at Event Director ng Super Series Philippines, ang nasabing event ay isang "beginner-friendly race" dahil may iba't ibang courses ito na swak sa experience ng isang participant, mapa-rookie, race veteran, o seasoned triathlete man siya.
"We have about 400 registered participants as of now, coming from all categories. We want this race to inspire people to do the things that inspire them," dagdag ni Oliver. "Isa sa pinaka-memorable stories para sa akin e yung mga para-triathletes. 'Yung pagsali lang nila, it shows na that our race is very inclusive. Everybody is welcome here. Actually nga we encourage the para-triathletes to participate, because it's a moment of inspiration for all us. Kasi biruin mo, nag-swim sila kahit isa lang ang leg nila, kinaya nila. Kaya nga nung nag-cross sila ng finish line, palakpakan talaga lahat. Meron nga nag-sign up mag-isa lang siya, pero after ng race, umuwi siya, may barkada na siya. Para sa amin, this is the message we want to communicate, to provide inspiration to everyone."
Ang "Standard Distance," halimbawa, ay binubuo ng "1.5KM Swim, 40KM Bike, at 10KM Run." Ang "Sprint Distance" naman, "750KM, 20KM Bike, at 5KM Run." Samantala, ang "Standard Distance Relay" naman ay may "1.5KM Swim, 40KM Bike, at 10KM Run."
"What makes this different from the other races is that we have a commitment to provide a safe, positive, and memorable race experience for everyone," saad ni Race Director and World Ironman Qualifier Nylah Bautista.
“There will be enough hydration stations and medical personnels on standby to make sure our participants finish the race. This race is planned very well --- the courses are mostly flat, so we can guarantee that this is really beginner-friendly."
Nang tanungin naman ng press kung ang pagsali muli ni Faith sa triathlon ay hudyat na tuluyan na niyang iiwan ang mundo ng beauty pageants, diretso ang naging sagot ng dalaga.
"Actually I don't have plans of joining beauty pageants again, because I ended my pageant journey with my Miss Aura International 2021 crown. It has been a rollercoaster ride and it was really a triumphant [one], of course, because I won an international crown.
"But I have other plans as well. I just got back at triathlons, because I stopped for four years. And then I also have plans for business, and maybe for my family also. No more na for beauty pageants."
RELATED CONTENT: Celebrities who competed in marathon and triathlon races
