Manny at Jinkee Pacquiao, tinuruang maglaba ang mga anak

Habang naka-quarantine sa kanilang bahay sa Makati, tinuruan ng mag-asawang Manny at Jinkee Pacquiao kung paano maglaba ang kanilang mga anak na sina Mary at Queenie.

Sa Instagram photos na ibinahagi ni Jinkee, makikitang nagkukusot ang mag-anak sa ilang mga batsa.

"Habang naka-quarantine, tinuruan namin ang mga girls kung paano maglaba!

"Happy ako sa mga anak ko dahil masunurin sila at gusto rin nilang matutunan ang paglalaba. Abangan nyo po sa youtube channel ko ang video," sulat ni Jinkee.

Naka-quarantine ang buong mag-anak na Pacquiao sa kanilang tahanan matapos magkaroon ng close contact kay Senator Koko Pimentel na nag-positibo sa COVID-19.

Ibinahagi naman ni Manny na negatibo siya sa COVID-19 base sa rapid test kit na ginamit niya mula South Korea.