House tour: Mga napundar na bahay ng celebrities para sa kanilang pamilya

Hindi napunta sa wala ang mga kinita noon ni Alden Richards sa kaniyang maagang pag-aartista dahil nakapagpundar agad siya ng malawak na lupain at malaking bahay para sa kaniyang pamilya.

Noong 2014 nakabili ng bahay at lupa si Alden Richards sa Laguna pero dumaan pa ito sa halos isang taon na renovation at redecoration bago nila malipatan ng kaniyang pamilya. Para kay Alden, bagamat nasa Quezon City ang kaniyang trabaho, gustong-gusto niya pa ring umuwi sa kanilang naturang bahay sa Laguna.

Noong December 2023, nakalipat na sa kanilang bagong tahanan sina Barbie Forteza. Dito na rin sila nag-celebrate ng Pasko at ng bagong taon kasama pa ang kaniyang boyfriend na si Jak Roberto.

Napagawa na rin ni Sanya Lopez ang kaniyang dream home para sa kaniyang pamilya. Noong August 2020, ipinasilip ni Sanya ang kanilang bagong two-storey house.

Nasa tatlong taon ding nag-ipon ang Kapuso actor na si EA Guzman parta maipatayo ang bahay na regalo niya para sa kaniyang pamilya.

Noong December 2021, proud na nag-post si EA Guzman ng larawan ng kanilang bagong bahay sa Parañaque na ibinigay niya sa kaniyang ina.

Noong 2020, muling nagpagawa si Jillian Ward ng three-storey house naman sa Pampanga. Ayon kay Jillian, pinili niyang magpagawa rito dahil sa Pampanga na lumaki ang kaniyang ama.

Masayang ipinasilip ng comedienne-actress at singer na si Kakai Bautista sa isang vlog noong 2020 ang tatlong mahahalagang bahay sa kaniyang buhay - ang bahay kung saan siya lumaki, ang bahay na kanilang inuupahan, at ang bahay na kaniyang ipinapatayo pa lamang noon.

Tinupad ng social media influencer at ngayon ay entrepreneur na si Viy Cortez ang pangarap niya na mabigyan ng sariling bahay ang kaniyang pamilya.

Bunga ng pagsisikap ni Viy Cortez sa kaniyang pagiging influencer at pagnenegosyo, binigyan niya ng brand-new house and lot ang kaniyang mga magulang noong 2020.

Ayon kay Rabiya Mateo, may laki na 200-square meter ang property na kaniyang binili. Bukod dito, nakabili pa si Rabiya ng isang sasakyan na magagamit din ng kaniyang pamilya.

Isa rin sa pinag-ipunan ng Kapuso hunk actor na si Luke Conde ang bahay na binili niya sa Batangas na regalo niya para sa kaniyang ina.

Marami na ring naipundar ang sexy social media influencer na si Toni Fowler mula sa kaniyang pagba-vlog at mga negosyo.

Noong 2022, ibinida ni Toni Fowler ang nabili niyang mansyon na tinawag niyang Tore De Palacio. Ang mansyon na ito ay binili ni Toni para sa kaniyang pamilya at mga kaibigan na kasama niya sa kaniyang vlogging.

Kasabay ng kaniyang pagsikat at pagkakaroon ng maraming endorsement, inunti-unti pa ni Mimiyuuh na pagandahin ang kanilang bahay.

Sa isang interview, sinabi pa ni Mimiyuuuh na hindi siya makapaniwala na nabigyan niya na ng bahay ang kaniyang pamilya. Aniya, “Akala ko nga po mga nasa 30s pa ko makakabili ng bahay tapos ayun po, sobrang amazed ako na makakabili na po ako ng bahay for my family.”

Isa sa mga naipundar ng celebrity mom na si Sunshine Cruz noong 2023 ay ang kaniyang ipinatayong mas malaking bahay.

Nagbunga ang hirap at sakripisyo ng sikat na dancer-choreographer na si DJ Loonyo o Rhemuel Lunio sa totoong buhay dahil nakapagpundar na siya ng negosyo at bagong bahay para sa kaniyang pamilya.

Sa Cagayan De Oro nakabili ng bahay si DJ Loonyo na regalo niya para sa kaniyang ina matapos itong magretiro sa pagiging midwife.

Kasabay ng pagsikat noon ni Ronnie Liang bilang isang singer, nakapagpatayo na rin siya ng bahay para sa kaniyang pamilya sa Pampanga.

Noong 2022, ipinasilip ni Mark Bautista ang construction ng ipinapagawa niyang malaking bahay para sa kaniyang pamilya sa Cagayan De Oro City.

Mabilis ang naging pagsikat ng content creator na si Ser Geybin o Gavin Capinpin sa totoong buhay. Kasama ni Ser Geybin sa kaniyang vlogs ang kaniyang dalawang kapatid na sina Allen at Kelzy Capinpin. Bukod sa negosyo at pagtatapos ng pag-aaral, inuna rin ng Capinpin brothers ang makapagpatayo ng mas magandang bahay para sa kanilang ina.

Hindi lang isa, kung 'di tatlong bahay ang ipinatayo ni Ser Geybin para sa kanilang ina. Ito rin daw ang hiling kasi ng kanilang ama noong nabubuhay pa ito. Sa loob ng 3,500-square meter na property, makikita ang tatlong bungalows na may kasama pang swimming pool, jacuzzi, home theater, at glass house.

Noong 2021, ipinasilip ni Awra Briguela ang kanilang bagong bahay na kaniyang ipinatayo mula sa kaniyang mga kinita sa pagiging artista.