Cong TV and Baby Kidlat's father-and-son moments
Matapos ianunsyo ang kanilang pagbubuntis, marami sa fans ng YouTube vloggers at celebrity couple na sina Cong TV at Viy Cortez ang nag-abang sa kanilang magiging anak na si baby Kidlat.
Kaya naman instant celebrity ang kanilang baby boy paglabas nito at talagang patok na patok sa social media ang kanyang mga larawan lalo na ang mga nakakaaliw na bonding nila ng kanyang ama na si Cong.
Silipin ang ilan sa father-and-son moments nina Cong TV at baby Kidlat sa gallery na ito:
First photo together
Agad na nag-viral ang first picture na ito nina Cong TV at Baby Kidlat na ipinost ni Viy Cortez ilang oras matapos niyang manganak. Sa kasalukuyan, umabot na sa halos isang milyon ang likes nito sa Instagram.
Happiness with daddy
Labas ang toothless smile ni baby Kidlat sa larawan na ito habang karga ng kanyang daddy Cong.
Bantay
"'Yung aso mong nakabantay sayo," caption ni Cong sa kanyang Instagram photo habang nagbabantay sa anak na si Kidlat.
Good job, Kidlat!
Imbis na si Kidlat, si Cong TV pa ang nakatulog nang mahimbing sa kanyang pagpapatulog sa anak. "Ayos anak napatulog mo si daddy," caption ni Viy sa kanyang post.
Sleeping together
"Wala na akong hihilingin pa. Parehas pa pati pwesto ng kamay niyo hahaha di kayo nakakasawang titigan," ani Viy sa kanyang mag-ama.
Memories
"Selfie natin noong bata ka pa kidlat, kakagising mo lang niyan, bata pa mukha ng tatay mo diyan," saad ni Cong sa larawan nila ni baby Kidlat.
Third month of Kidlat!
Magkasamang ipinagdiwang nina Cong at Viy ang third month ng kanilang anak na si baby Kidlat sa isang Michael Jackson-themed party.
Fatherhood journey
Kapansin-pansin na enjoy na enjoy si Cong Velasquez sa pagiging ama kay Baby Kidlat.
Kitang-kita naman sa ngiti ni Cong sa photo na ito, 'di ba?
Father-and-son
Mukhang may lakad sina Cong at Baby Kidlat. Saan kaya pupunta ang mag-ama? To the moon?
Double celebration
Kasabay ng 31st birthday ni Cong Velasquez ay idinaos din ang binyag ni Baby Zeus Emmanuel.
No neck
Sa Instagram, ibinahagi ni Cong ang larawan nila ni Kidlat kung saan tila parehong nawawala ang kanilang mga leeg. "No neck gang," caption ni Cong.
First and Last?
May nakatutuwang post naman si Cong para kay Kidlat mula sa naging pagbisita nila sa isang theme park sa Malaysia.
"Piling ko masyado pang maaga na dinala ka namin dito at di mo pa raw ma-e-enjoy. Pero pilitin mo nang matandaan at ma-enjoy 'to kidlat kasi huling balik na natin dito," ani Cong kay Kidlat.
