Ganap nang isang Kapuso muli ang aktor na si Zoren Legaspi matapos siyang pumirma ng exclusive contract sa Kapuso network nitong Huwebes, Marso 15, 2018. Ayon sa aktor, kahit malaking TV station ang GMA, parang kaibigan daw kapag kausap ang mga namumuno nito.
Actor Zoren Legaspi signs an exclusive contract wih GMA Network today, March 15, 2018. @gmanews pic.twitter.com/CWswOP1D4A
— Jamil Santos (@Jamil_Santos02) March 15, 2018
Present sa contract signing sina GMA SVP for Entertainment Lilybeth Rasonable at SVP for Alternative Productions Gigi Santiago-Lara.
"At home daw ang nararamdaman ni Zoren sa GMA Network.
"Dito ako nag-start talaga, and the people here are very pleasant. Although it's a big station, but when you talk to them, 'yung mga big bosses here, it's like you're talking to a friend, 'yun bang hindi nakakatakot 'yung mga boss dito. So it's easier to get along with the people here and the staff and the directors. 'Yun ang nararamdaman ko dito, very at home," sabi ng aktor.
Pag-alala ni Zoren, sa Kapuso network niya sinimulan ang kaniyang pagiging direktor.
"Masaya ako kasi actually, may utang na loob ako sa GMA kasi dito ako nag-start ng pagiging director. Hindi lang chance but it was a big opportunity for me back then, dahil it was like 10 years ago and nu'ng mag-decide akong mag-direct, they gave me that opportunity and very grateful ako du'n," saad ni Zoren.
Dagdag pa niya, handa siyang muling balikan ang pagiging direktor.
"Ang directing kasi is really very tiring mentally and physically dahil kung ang artista ay nakakapagpahinga, ang direktor hindi talaga nakakapagpahinga sa set. From 6 a.m. to pack-up, gising 'yan mentally and physically. So it's very challenging but I guess, after 10 years, I'm willing to take the challenge again," paliwanag niya.
Ilan sa mga show na idinirek ni Zoren ang Atlantika (2006), Fantastic Man (2007), Fantastikids (2006) at iba pa.
Dalawang taon daw na tumigil si Zoren sa pag-aartista nang mga panahong iyon.
At kung pag-uusapan ang pag-aartista, gusto ring bumalik ni Zoren sa action.
"I would like to see myself doing, I guess, action again. I came from doing action movies, kaya 'yun ang medyo nami-miss ko. Kaya when you watch like Liam Neeson, those guys are 60, 65 years old," anang aktor.
"May mga upcoming projects, marami kasing projects ang GMA as of now, so lahat sila magaganda, mahirap pumili. Sometimes, may role na para talaga sa 'yo, meron naman na hindi sa 'yo, meron talagang role na binabagayan. I'm just waiting for my opportunity sa role na babagay sa akin," pagpapatuloy ng aktor. -- FRJ, GMA News
