Tumanggap ng parangal ang ilang Kapuso stars sa katatapos lang na 65th Famas Awards.
Itinanghal na Best Supporting Actor si "My Korean Jagiya" star na si Ricky Davao sa kaniyang pagganap sa pelikulang "Iadya Mo Kami."
Iginawad naman sa "Eat Bulaga" dabarkads at Dubsmash Queen Maine Mendoza at Kapuso star Ivan Dorschner ang German Moreno Youth Achievement Award.
Natanggap naman ni Kapuso Primetime King Dingdong Dantes ang Fernando Poe Jr. Lifetime Achievement Award.
Hindi nakadalo si Dingdong sa naturang pagtitipon pero nandoon naman ang kaniyang pinsan na si Carlo Gonzales para tanggapin ang award at ihatid ang pasasalamat ng aktor.
"He believed in inclusivity, fairness, charity, love for country and most of all, dedication to his family. That for me makes him more than a king, but a hero. he may have portrayed heroes on the big screen but in real life, he was indeed one," saad sa mensahe ni Dingdong na binasa ni Carlo.
"This award will definitely drive me to always passionately do my best in all my endevours whether on cam or off cam... Siya (FPJ) ang tunay na lodi. Maraming salamat po, thank you."
Naging Famas Lifetime Achievement awardees naman ang mga batikang aktres na sina Susan Roces at Amalia Fuentes. -- Jamil Santos/FRJ, GMA News
