Alden Richards, Maine Mendoza add kilig to coffee in new commercial

Muling bumida sa panibagong commercial ang phenomenal Kalyeserye loveteam nina Alden Richards at Maine Mendoza ngayong linggo para sa isang local instant coffee brand.

Tampok ang AlDub sa pinakabagong TVC na tila kinunang sa makalumang siyudad.

Nitong Lunes, lumipad na papuntang Italy sina Maine at Alden para sa shooting ng kanilang kauna-unahang solo movie. 

Pangungunahan ng batikang direktor na si Mike Tuviera ang naturang pelikula.

Ayon kay Maine sa “Eat Bulaga!” nitong Sabado, “Ang bilis nga po ng panahon kasi wala pang one year na magkakasama tayo... araw-araw magkakasama tayo, tapos ngayon mawawala kami ni Alden. Babalik naman po kami, kasi gagawa lang naman po kaming pelikula.”

“Sana po patuloy niyo kaming suportahan ni Maine sa lahat ng ginagawa namin. Nandito lang po kami para sa inyong lahat, anumang pagsubok, walang bibitiw,” dugtong naman ni Alden. — Bianca Rose Dabu/AT, GMA News