Tom Rodriguez, excited makatrabaho si Jennylyn Mercado sa 'The Cure'

By Gia Allana Soriano

Published On: January 17, 2018, 10:00 AM

Updated On: March 23, 2018, 06:05 PM

Abangan ang TomJen-starrer na 'The Cure' ngayong 2018 na!

Gagampanan ni Tom Rodriguez ang karakter na si Gregory Salvador, isang Clinical Research Associate ng isang International Pharmaceutical Laboratory sa upcoming GMA drama na The Cure. Natutuwa naman si Tom sa kanyang role, aniya: "First time ko mag-lab tech, at least pasok sa mga interests ko, sa science sa chemistry. So, baka dito magamit ko 'yung mga personal kong interest."

Makakapareha naman ni Tom dito ang Ultimate Star na si Jennylyn Mercado. Kuwento ni Jen, "Magkasama kami sa isang Lenten special, 'tsaka 'pag may mga out of the country [events], magkakasama kami, ganyan. So, hindi naman iba si Tom."

Excited naman din ang aktor makatrabaho si Jen. Ika niya, "I'm so honored, I'm a big fan of Jen. Grabe, she's an amazing actress. I can only wish that I could learn even more. Kasi sa Lenten special pa lang marami na akong natutunan. So, sana dito rin marami pa akong mahugot."