Third eye ni Bea Binene, binuksan ng isang psychic sa 'TBATS'
Out of this world ang kalokohang hatid nina Boobay at Tekla sa The Boobay and Tekla Show kasama sina Bea Binene, Martin del Rosario at Betong Sumaya nitong Linggo, April 18.
Para sa 'Pranking in Tandem' segment, nagpanggap si Bea na host sa isang talk show. Mga tindera sa palengke ang kanyang bisita ngunit nag-iba ang takbo ng usapan nang sumali sa kanila si Madam Aura, isang psychic.
Maliban sa nakakakita raw ng duwende at multo si Madam Aura, nabuksan din niya ang third eye ng Kapuso actress. Ano kaya ang reaction ng mga bisita?
Abot langit naman ang kilig, hindi lang ng studio audience, kundi lalong lalo na ni Boobay dahil bumalik sa TBATS si Martin para sa 'Truth or Charot' segment kung saan guest host si Betong.
Talo man si Boobay dahil mali ang hula niya tungkol sa sagot ng aktor, panalong panalo naman siya dahil nakipagtitigan sa kanya si Martin at pinaulanan ng halik.
Isang bagong game naman ang nilaro nina Boobay at Tekla sa paglabas nila ng studio. Sa 'The Dakma Quiz,' kailangang mag-unahan ang players sa pagdakma sa mystery object para sa pagkakataong makasagot at manalo ng premyo.
Syempre, tuloy pa rin ang tawanan sa studio dahil sa mga kakaibang sulat na natanggap ng fun-tastic duo sa 'Dear Boobay and Tekla.' Ano kaya ang payo nila sa 88-year old letter sender na kakadiskubre lang na bakla siya?
Non-stop talaga ang laugh trip na hatid ng The Boobay and Tekla Show! Tutok na tuwing Linggo, matapos ang Kapuso Mo, Jessica Soho!
