WATCH: Aiai Delas Alas, itinuturing na award mula kay Lord ang asawa na si Gerald Sibayan

Puno ng kilig at pagmamahal ang unang taon ng pagsasama bilang mag-asawa nina Aiai Delas Alas at Gerald Sibayan. Sa kanyang pagbisita sa Sarap Diva ay ibinahagi niya kay Regine Velasquez-Alcasid kung ano ang estado ng kanyang buhay bilang misis.

Ani Aiai, "Masarap ang may asawa 'pag mabait ang asawa mo."

Dagdag pa ng The Clash judge ay itinuturing niyang blessing si Gerald sa kanyang buhay dahil sa dami ng kanyang pinagdaanan.

"Mabait talaga 'yung si Darl (referring to Gerald) eh, bigay ng Diyos 'yun sa akin."

Pagpapatuloy ni Aiai, "'Yun ang regalo, 'yun ang award ko kay Lord. Ito, mabuting asawa!"