Kyline Alcantara, gustong sampalin si Barbie Forteza?
Bilang isang bagong Kapuso, excited si Kyline Alcantara na makatrabaho ang kapwa Kapuso artists niya.
#NextBigThing: These photos of Kyline Alcantara prove that she is "La Nueva Kontrabida"
Kaya naman, malaki ang pasasalamat niya nang mapabilang siya sa seryeng Kambal, Karibal dahil naging daan ito upang makaeksena niya ang ilang big stars ng Kapuso network.
Sa video interview ni Roldan Castro, ibinahagi ng teen actress na gusto niya ring makatrabaho ang dating Meant To Be star na si Barbie Forteza.
“Gusto ko po talaga si Ate Barbie Forteza. 'Pag sinabing bida 'pag sa [channel] seven, Barbie Forteza. So, parang gusto ko naman pong ma-try [makatrabaho sya].”
Maaalalang may offer si Barbie sa Kapamilya network upang gawin ang kontrabida role sa drama series na Annaliza. Pero napunta ito kay Kyline dahil may nauna nang ginawang serye si Barbie dito sa GMA, ang Stairway To Heaven. Ginampanan niya sa seryeng ito ang karakter bilang young Jodi.
Sa panayam, tinanong siya kung ayos lang sa kanya makaeksena si Barbie nang may sampalan at tugon niya, “Kung puwede po, ‘cause you know bilang kontrabida po ‘di naman po maiiwasan ‘yun.”
Gusto man mas makilala ni Kyline bilang kontrabida, open naman daw siya tumanggap ng lead roles kung sakaling may mag-offer sa kanya.
Panoorin ang buong interview dito:
Video courtesy of Roldan Castro
