Mark Herras, pursigido pa rin sa panliligaw kay Wyn Marquez
Tila tulad ng sa Kalye-serye ang ginagawang panunuyo ni Mark Herras para kay Wyn Marquez. Hindi niya alintana ang matagal na paghihintay at pursigido pa rin siyang ligawan ang kanyang 'Little Nanay' co-star.
By CHERRY SUN
PHOTO BY BOCHIC ESTRADA, GMANetwork.com
Tila tulad ng sa Kalye-serye ang ginagawang panunuyo ni Mark Herras para kay Wyn Marquez. Hindi niya alintana ang matagal na paghihintay at pursigido pa rin siyang ligawan ang kanyang Little Nanay co-star.
READ: Mark Herras’s sweet Valentine message for Wyn Marquez
“Magkaibigan kami matagal na, so I think okay na pundasyon ‘yun. Kahit sabihin nating matagal na panahon na, pero okay lang naman ako sa panliligaw pa rin,” pahayag niya sa panayam ng 24 Oras.
Maliban kay Wyn, masaya rin si Mark na makasama at makatrabaho ang mga de-kalibreng artista tulad nina Nora Aunor, Bembol Roco at Eddie Garcia sa naturang Kapuso family drama series. Marahil pa nga raw ay makakaranas siya ng separation anxiety sa pagtatapos ng kanilang programa.
READ: Ano ang mami-miss ni Kris Bernal sa 'Little Nanay?'
“Nakabuo kami ng isang pamilya sa Little Nanay. ‘Yung Batongbuhay na family, sobrang talagang naging isang pamilya siya, at kitang-kita naman ng mga tao na nanonood sa TV and off cam,” wika ni Mark.
Dagdag din niya tungkol kay Kris Bernal, “Siya ‘yung bunsong kapatid namin ni Juancho [Trivino] ‘di ba, so talagang ganun ‘yung naging trato namin sa kanya off and on cam na talagang siya si Tinay ng mga Batongbuhay na talagang binabantayan namin."
Video courtesy of GMA News
