TV

Magpakailanman presents “Sex Slave: Anak, Pinabayaan ng Ina?”

Updated On: February 19, 2020, 09:22 PM
May karapatan ba ang isang anak na humadlang sa kaligayahan ng kaniyang ina—kung sa tingin niya ay makasasama ito sa pamilya? 


Sa kauna-unahang pagkakataon ay magsasama ang mag-inang sina Alma Moreno at Winwyn Marquez, sa isang episode ng Magpakailanman! Winwyn takes on her scariest role sa kaniyang pagsasabuhay ng mga pinagdaanan ni “Ayen,” isang dalaga na naging biktima ng isang paghihiganti laban kay “Belen,” ang ina niyang gagampanan naman ni Alma Moreno.

Dahil sa pangangailangan, hindi lumaki si “Ayen” sa poder ng kaniyang ina. Dahilan rin para maging malayo ang loob nila sa isa’t-isa, lalo pa nang magrebelde ang dalaga sa pag-aakalang hindi siya talaga mahal ng ina.

Nang maging dalagang ina si “Ayen” ay saka niya na-realize kung gaano kahirap ang mga pinagdaanan ng sariling ina, at kung ano ang mga sakripisyong ginawa nito para lang masubukang bigyan siya ng mas maayos na buhay.

Pero sa panahong ito naman mahuhulog ang loob ni “Belen” sa di-hamak na mas batang tricycle driver—si “Lester.”

Walang tiwala si “Ayen” sa lalaking kinahuhumalingan ng ina, pero ano ba ang karapatan niya para humadlang sa kaligayahan ni “Belen?”

Pero paano na lang kung tama pala ang mga hinala ni “Ayen” sa lalaki? Ano ang magagawa ni “Ayen” para iligtas ang ina? At paano kung siya mismo ang malagay sa alanganin dahil sa kaniyang pagmamalasakit sa ina?

Alamin kung ano ang kahahantungan ng kuwento ni “Ayen” at ng kaniyang ina, at kung paanong ang isang babaeng matapang ay masasadlak sa pagiging isang sex slave!

Kasama ng mag-inang Alma at Winwyn, “Sex Slave: Anak, Pinabayaan ng Ina?” also stars the acting prowess of TJ Trinidad, sa direksyon ni Argel Joseph, mula sa panulat ni Senedy H. Que, based on the research of Karen Lustica.

Magpakailanman airs this Saturday, June 6, pagkatapos ng Pepito Manaloto.
Pinoy Big Brother Celebrity Collab Edition
NPC SEAL
We use cookies to ensure you get the best browsing experience. By continued use, you agree to our privacy policy and accept our use of such cookies. For further information, click FIND OUT MORE.