TRIVIA: Celebrity couples na naghiwalay dahil sa third party

Isa sa mga pinag-usapang hiwalayan noong 2016 ang kina Sunshine Dizon at pilot husband na si Timothy Tan. Pinangalanan ni Sunshine ang other woman ng kanyang asawa, at kinasuhan pa ang dalawa ng Violence Against Women and Children at Concubinage, na kalaunan ay inatras din niya.

From reel to real ang love team nina Kim Chiu at Gerald Anderson, pero nauwi rin sa hiwalayan ang kanilang relasyon. Sa isang interview, ibinahagi ni Kim na alam niya ang pakiramdam na niloko ng ex-boyfriend.

Bago ang kanilang engrandeng kasal sa France, maraming pagsubok na pinagdaanan ang relasyon nina Dr. Vicki Belo at Hayden Kho. Noong February 10, 2012, nag-tweet ang celebrity doctor na pinapalaya na niya si Hayden para hindi na maging sikreto ang relasyon nito sa dating aktres na si Nancy Castiglione. Ayon naman kay Hayden, si Vicki ang may relasyon sa kanyang yoga instructor. Ilang kontrobersya pa ang pinagdaanan ng dalawa, pero sa huli ay kinasal sila noong September 2, 2017.

Kasama ang anak na si Crixus, iniwan ni Ciara Sotto ang asawang si Jojo Oconer at tumira sa bahay ng kanyang mga magulang na sina Tito Sotto at Helen Gamboa. Third party ang tinuturong dahilan ng pagkalas ni Ciara sa kanilang relasyon, na kinumpirma ng aktres sa kanyang social media posts.

Kinasal ang aktres na si Nikki Valdez sa Filipino-Canadian na si Christoph Lina noong July 7, 2007 at sa Toronto na sila nanirahan. Two years lang ang itinagal ng kanilang pagsasama, na ayon kay Nikki ay natapos dahil sa third party.

Tinapos ni Sunshine Cruz ang 13-year marriage nila ni Cesar Montano nang ma-link ang aktor kay Krista Miller, na dinidirek niya noon sa isang pelikula. Itinanggi ni Krista ang akusasyon, lalo na nung sabihin ni Sunshine na nagpapadala ito ng sexy pictures sa kanyang asawa. Na-annul ang kanilang kasal noong 2018.

Nakakagulat na rebelasyon ang inilabas ni Jamela Villanueva sa kanilang hiwalayan ni Anthony Jennings. Ayon sa mga screenshots at salaysay na inilabas ni Jamela, nagkaroon umano ng ugnayan si Anthony sa kaniyang onscreen partner na si Maris Racal.

Naging kontrobersyal ang hiwalayan nina Bea Alonzo at Gerald Anderson noong 2019. Naging usap-usapan ang "ghosting" sa kanilang hiwalayan ngunit ilang balita ang lumabas na nagkaroon din umano ng third party sa kanilang relasyon. Nasangkot ang pangalan ni Julia Barretto sa balitang third party ngunit idiniin ni Julia na wala raw itong katotohanan.

Taong 2021 nang mapabalitang hiwalay na ang rapper na si Skusta Clee or Daryl Ruiz at Zeinab Harake. Inilahad ni Zeinab na nauwi ang kanilang relasyon sa hiwalayan noong umamin si Skusta na siya ay nag-cheat. Mayroon silang isang anak na si Bia.