EXCLUSIVE: Erin Ocampo sinagot ang patutsada ni Chienna Filomeno
Buong tapang na sinagot ng bagong GMA Artist Center talent na si Erin Ocampo ang alegasyon ng dati niyang kasamahan sa GirlTrends, Chienna Filomeno, tungkol sa diumano'y pangba-backstab niya.
Dawit din sa naturang isyu si Dawn Chang, na inakusahan din ni Chienna ng pangba-backstab sa kanya.
Sa exclusive interview ng GMANetwork.com kahapon, September 5, umamin si Erin na nasaktan siya sa akusasyon ni Chienna.
Wika ni Erin, “Matagal na po kami magkaibigan. Sa buong grupo ng GirlTrends. kami po dalawa 'yung pinakamatagal na magkakilala.
“Nasaktan ako na parang, siyempre, nainis ng konti. Pero nappreciate ko naman 'yung pagsabi [ni] Ate Dawn Chang ng katotohanan.
Dagdag ng actress/dancer, “Sabi nga nila sino magnanakaw ang aamin na nagnakaw siya sabihin na lang natin na ganon.
“Ayoko na lang magbigay ng any bad comments or negative comments about her about sa isyu basta tapos na po 'yun.”
Ano naman kaya ang natutunan ni Erin sa nangyari sa kanila ni Chienna?
“Natutunan ko is tama pala na wala akong kaibigan sa showbiz, mahirap po kasi.
“Mahirap na ikabit 'yung personal life mo sa trabaho.
“Lahat ng kaibigan ko non-showbiz--mga stylists, makeup artist, mga staff--mas okay po ako sa ganun.”
Sa paglipat ni Erin sa Kapuso Network, makakasama siya sa pinakabagong primetime series Beautiful Justice, na pinagbibidahan nina Yasmien Kurdi, Bea Binene, Derrick Monasterio, Gabbi Garcia at Gil Cuerva.
Todo rin ang preparasyon ni Erin, lalo na physically, dahil gaganap siya bilang isang PDEA agent sa action-drama series.
Aniya, “Nagma-Muay thai boxing po kasi ako ngayon. So kung ano naman po 'yung pain sa body tolerable naman, kaya naman siya,”
Abangan si Erin sa Beautiful Justice, na magsisimula nang umere sa GMA Telebabad sa Lunes, September 9.
Head writer Des Garbes-Severino on 'Beautiful Justice': 'Hindi ko pa siya nagagawa before'
LOOK: Intense Krav Maga training of stars from 'Beautiful Justice'
