EXCLUSIVE: Julie Anne San Jose, humanga kay Michael V. sa kanyang pagganap sa multiple roles sa 'Family History'
"Sobrang talented!"
Ganito inilarawan ni Asia's Pop Sweetheart Julie Anne San Jose ang multi-awarded comedian at content creator na si Michael V.
Namangha ang Kapuso diva sa kakayahan ni Direk Michael nang malaman niya na gumanap ng multiple roles ang co-star niya sa Pepito Manaloto: Ang Tunay Na Kuwento sa family drama movie na Family History.
CEB gives 'Family History' 'B' grade, lauds BiDawn for performance
Ito ang magiging comeback movie project ng Kapuso ace comedian matapos ang ilan taon at dito ipinamalas ni Bitoy ang iba't iba niyang talents.
Sa exclusive interview ng GMANetwork.com kay Julie, isang inspirasyon daw para sa kanya ang award-winning comedian.
Aniya, "Nakaka-proud. I've known Kuya Bitoy for how many years na and nakaka-inspire kasi si Kuya Bitoy, sobrang talented at talino. He has it all na and kaya niyang magsulat, mag-produce, mag-direct...actually hindi lang sa films, gumagawa rin siya ng songs, kumakanta, nagpapatawa, parang lahat na kaya niyang gawin--nakakabilib."
Pinuri rin ni Julie Anne San Jose ang passion ni Michael V. na matuto at mag-explore ng iba pa niyang kakayahan.
"Tsaka hanga ako sa mga ganung klaseng mga artists na they're always hungry for exploring what they can do. And medyo nakaka-relate rin ako sa kaniya, nakakatugtog din siya ng instruments, nakaka-relate ako sa kaniya in a way na hindi lang siya nagsa-stop lang sa isang field, ang dami niya pang gustong matutunan, nag-aaral siya at nagdo-drawing pa siya. Sobrang talented."
Huwag papahuli sa nationwide premiere ng joint movie project ng Mic Test Entertainment at GMA Pictures na Family History showing in cinemas nationwide starting today, July 24.
