Super Tekla, naiyak nang malamang bibida sa isang comedy film
Hindi naiwasan ni Super Tekla na maging emotional nang malamang bibida siya sa isang comedy film na mapapanood ngayong taon.
"Ganito pala ang pakiramdam. Nakakaiyak, hindi ko akalain na darating ako sa ganitong punto.
“Thank you talaga dahil binigyan ako ng napakagandang break," aniya sa kanyang panayam pagkatapos ng kanilang story conference.
IN PHOTOS: At the story conference of Super Tekla's first movie
Bagamat nakararamdam ng pressure, abot langit naman ang tuwa ng Kapuso comedian sa biyayang natanggap.
"Sabi ko nga sa sarili ko, kapag binigyan ka ng responsibillidad parang nakakatakot, pero bihira maging bida.
“Nasa cloud nine pa ako ngayon, ninanamnam ko pa. Kasi akalain mo, nanonood lang ako dati ng pelikula.
“Ang focus ko ngayon is kung paano ko ma-internalize 'yung role ko, mailapat ko nang tama sa movie."
WATCH: Ang simula ng pagpapatawa ni Tekla
Bukod sa pelikulang ito, napapanood din ngayon si Super Tekla sa The Boobay and Tekla Show, na nagkaroon ng timeslot sa telebisyon dahil sa online success nito.
"Sa show namin ni Boobay, doon pa lang, liglig, siksik, umaapaw na. Wala na akong mahihiling pa, sobrang thankful at blessed ko,” aniya.
EXCLUSIVE: Boobay at Tekla, hindi makapaniwala sa success ng 'The Boobay and Tekla Show'
Makakasama ni Tekla sa naturang pelikula sina Kim Domingo, Derrick Monasterio, Jo Berry, Tetay at Kiray Celis, with the special participation of Ms. Aiai delas Alas, at sa direksyon ni Adolf Alix, Jr.
