Claudine Barretto, 'di raw na-interview tungkol sa Mark Anthony Fernandez nakabuntis issue
Hindi pinalagpas ng celebrity mom na si Claudine Barretto ang kumakalat na tsismis na nagpa-interview siya tungkol sa isyu ng dati niyang boyfriend na si Mark Anthony Fernandez na nakabuntis ng dalawang babaeng pulis.
#HomeForChristmas: Mark Anthony Fernandez released from jail
Tahasan na sinabi ni Claudine sa kaniyang Instagram post na “fake news” na na-interview siya ng showbiz writer na si Mario Dumaual.
“Ayoko na san patulan tong malisyosong tsimis na ito,pero nainterview daw ako ni TITO MARYO DUMAWAL.FAKE NEWS PO ITO!! NEVER SPOKE TO TITO MARYO FOR YEARS. #notofakenews”
Nanggaling ang unconfirmed reports patungkol kay Mark Anthony sa video na inupload ng UnlimitedMix VideosPH sa YouTube na umabot na sa mahigit sa 316,000 views mula nang mai-post ito noong January 3.
Matatandaan na noong Disyembre ay pinalaya na ang dating matinee idol matapos mahulihan ng marijuana sa Angeles City, Pampanga noong October 2016.
