Around GMA

Article Inside Page

Mapapanood na sa darating na October ang pinakabagong handog ng GMA sa Afternoon Prime, ang Delivery Boi.

Isa sa batikang stars na kabilang sa cast ng naturang serye ay ang aktor na si Gio Alvarez.

Sa interview ng GMANetwork.com kay Gio, ikinuwento ng aktor na puspusan ang kanyang paghahanda para sa role na gagampanan niya, lalo na sa pisikal na aspeto.

Matatandaan na kabilang si Gio sa mga sumailalim sa safety in riding seminar at motorcycle training.

READ: 'Delivery Boi' star Will Ashley and co-stars undergo safety in riding seminar and training

“Siyempre, nag-training kami para sa motor.

“In terms of the role, I think mas 'yung sa physical kasi 'yung aming mga character naman ay madaling mahugot so far,” pagbabahagi niya.

Ayon pa kay Gio, perfect ang Sparkle actor at Delivery Boi lead star na si Will Ashley sa role nito.

Aniya, “Alam mo, perfect siya kasi 'yung role ni Boi, siya ay masayahing tao, very positive, and perfect niya nagagawa because his smile is very affecting, mahahawa ka talaga sa smile. And ang kabaitan, talagang radiant. Kaya perfect siya for that.”

Sa hiwalay na panayam, ibinahagi rin ni Gio na maganda ang konsepto ng serye dahil ipakikita rito ang buhay ng delivery riders.

“Kung papaano talaga 'yung the goodness in their job and also the hardships that they have to go through every day. It's a very, very good concept,” anang aktor sa “Chika Minute” report ni Nelson Canlas noong Hulyo.

Abangan ang Delivery Boi sa Oktubre sa GMA Afternoon Prime.

Related gallery: Ready for 'Delivery Boi'? Check out these fun pictorial photos