IN PHOTOS: Where is Cindy Kurleto now?
Isa si Cindy Kurleto sa mga artistang nakilala sa showbiz dahil sa talento at ganda.
Noong early 2000s ay nakilala si Cindy bilang isang model, host, at aktres. Sa kanyang maiksing panahon sa showbiz ay nagmarka si Cindy sa industriya dahil sa kanyang iba't ibang papel na ginampanan.
Ang Filipino-Austrian na showbiz personality ay napanood sa ilang commercials, nakita sa ilang billboards, at naging cover girl ng iba't ibang klaseng magazines. Isa sa mga tumatak sa publiko ay nang makilala siya bilang parte ng sexiest woman in the world list ng isang men's magazine. Kinilala rin si Cindy Kurleto dahil sa kanyang pagganap bilang si Cassiopea sa 'Encantadia' noong 2005.
Kasama rin sa mga ginawang proyekto ni Cindy ang comedy show na 'Daddy Di Do Du', kung saan nakatrabaho niya si Vic Sotto. Naging parte rin siya ng noontime show na 'Eat Bulaga' bilang isa sa mga host nito. Parte pa ng kanyang makulay na career sa showbiz ang pagiging VJ sa MTV Philippines.
Ngunit para sa ikabubuti ng kanyang kalusugan at pangarap na bumuo ng sariling pamilya, pinili na rin ni Cindy na umalis ng Pilipinas sa kabila ng kanyang kasikatan noon.
Sa kanyang interview sa 'Just In' noong January 2021, inamin ni Cindy na pinili niyang lisanin ang bansa para pagtuunan ng pansin ang kanyang kalusugan. Ayon sa kanyang kuwento, na-diagnose siya ng PCOS or polycystic ovary syndrome, “I developed a hormonal imbalance that made me ill and that made me gain weight and made me very depressed and tired.”
Naging sanhi umano nito ang pagsasabay-sabay niya ng iba't ibang mga trabaho.
"I was working for MTV, I was working for Encantadia, I was working for 'Eat Bulaga,' I was working for 'Daddy Di Do Du,' and I had little pictorials for billboards scheduled at the same time.”
Pinayuhan si Cindy ng doktor na magpahinga kung nais niyang bumuo ng pamilya. Dahil rito, nilisan ni Cindy ang bansa at iniwan ang kanyang career sa showbiz.
Alamin ang buhay ngayon sa gallery na ito:
Cindy Kurleto
Itinuturing na isa sa may pinakamagandang mukha sa Philippine showbiz si model at actress Cindy Kurleto.
FHM Sexiest
Naging cover pa si Cindy ng men's magazine na FHM noong April 2004. Hinirang din siyang "Sexiest Woman in the World" ng magazine sa parehong taon.
Eat Bulaga
Naging 'Eat Bulaga' host din si Cindy! Narito ang throwback niya kasama ang kanyang co-hosts na sina Pia Guanio, Pauleen Luna, at Ciara Sotto.
Daddy Di Do Du
Napasama din si Cindy sa sitcom na 'Daddy Di Do Du' kung saan naging co-star niya si Bossing Vic Sotto.
Encantadia
Lumabas din siya bilang Cassiopea sa iconic GMA Telefantasya na Encantadia, pati na sa mga sumunod nitong installments na Etheria at Encantadia: Pag-ibig Hanggang Wakas.
Leaving showbiz
Iniwan niya ang showbiz noong 2007 para tumira sa Peru kasama ang kanyang boyfriend na si Daniel.
Vienna
Dahil sa kalusugan ng kanyang ama, lumipat si Cindy at kanyang pamilya sa Vienna para makasama ito.
Private life
Nananatili rin siyang pribado at matipid ang impormasyong ibinabahagi niya tungkol sa kanyang pamilya.
Acting
Traditions
Growing family
Beautiful Family
Cindy as an endorser
Pansamantalang bumalik si Cindy sa Pilipinas noong 2019 para sa isang endorsement.
Family time
Ipinapakita ni Cindy ang kanyang buhay bilang isang asawa at mommy sa kanyang Instagram account.
Message to husband
Nag-post ng sweet na mensahe si Cindy para sa kanyang asawa noong 2020. Ani Cindy, masaya siyang kapiling niya ito habang hinaharap ng mundo ang isang pandemya.
"I'm grateful to have him by my side, especially during such uncertain times."
