EXCLUSIVE: Jak Roberto, umamin na may point na hindi niya alam kung paano babayaran ang investment niyang kotse nang wala siyang regular show
Sa exclusive interview ng GMANetwork.com kay Jak, nagkuwento ito ng pinagdaanan niyang hirap bago siya nakabili ng sasakyan.
Isa sa fastest rising star ng Kapuso Network ang tinaguriang ‘Abs Ng Bayan’ at isa sa mga lead star ng primetime series na Meant To Be na si Jak Roberto.
Mula sa humble beginnings ni Jak sa show na ‘Walang Tulugan’ ni German ‘Kuya Germs’ Moreno ay isa ang guwapong binata sa mga pinaka-visible na talents sa GMA-7. Bukod sa kaniyang primetime show napapanood din si Jak sa Bubble Gang at Dear Uge.
Kamakailan ay na-feature si Jak sa Tunay Na Buhay na hosted by Rhea Santos, kung saan mas nakilala siya ng mga Kapuso.
Dito ni-reveal ni Jak na isa sa mga naging investment niya sa pagiging artista ay pagbili ng isang brand new car.
Sa exclusive interview ng GMANetwork.com kay Jak, nagkuwento ito ng pinagdaanan niyang hirap bago siya nakabili ng sasakyan.
Challenging daw ang mag-commute nang araw-araw mula sa bahay nila sa Valenzuela para lamang makarating sa kanilang showbiz commitments.
Paliwanag ng Kapuso hunk, “Kasi ano ‘yung na-experience ko talaga nung walang car struggle is real bro. Kasi like before Valenzuela pa kami nanggagaling looban ‘yung bahay namin sa Valenzuela,”
“Kailangan namin sumakay kasi ayaw ng mga taxi pumunta, ayaw nung mga Uber pumunta kasi malayo nga and at the same time mai-stuck dun 'pag may tumawid na truck.”
Dagdag niya, “So kailangan sumakay ng tricycle palabas, sakay pa kami ng jeep patawid sa kabila, kasi dun lang ‘yung bus terminal. Sakay kami ng bus, bitbit namin ‘yung reclinable chair at saka ‘yung malalaking bags.”
Kaya naman nang nagkaroon daw siya ng mga raket last year nung panahon ng eleksyon ay naisipan ni Jak na bumili na ng kotse.
“So, sabi namin we have to invest on something na kailangang-kailangan sa trabaho, which is ‘yung car nga… Luckily nagkaroon ako ng raket nung eleksyon, which is parang nagkaroon ako ng pang-down ‘yun agad ‘yung pina-priotize ko na parang bumili ng car.”
Umamin naman ang Kapuso primetime star na may point na hindi niya alam kung paano babayaran ang monthly payments niya, dahil wala siyang regular shows.
“And then bahala na as in wala akong idea kung saan ko kukunin ‘yung panghulog monthly niya. And God is good nga all the time na parang, hindi ko alam kung paano ko siya nababayaran that time na wala akong regular show nun. Hanggang pumatok nga ‘yung abs tapos nagkaroon ako ng mga regular shows.”
MORE ON JAK ROBERTO:
EXCLUSIVE: Pet dog ni Jak Roberto na si Jmi, totoo bang may talent fee sa 'Meant To Be?'
LOOK: "Abs ng Bayan" Jak Roberto's post with Jennylyn creates online buzz
IN PHOTOS: 18 showbiz hunks with the yummiest biceps
Photos by: @jakroberto(IG)
