Sunshine Dizon, nalungkot nang iwan ang kanyang role sa 'Encantadia'
Malapit nang mapanood ang aktres sa Afternoon Prime series na Ika-6 na Utos.
Malaking hamon daw kay Sunshine Dizon ang panibago niyang role sa upcoming Afternoon Prime series na Ika-6 na Utos. Malapit kasi ito sa nararanasan niya sa totoong buhay.
READ: Gabby Concepcion at Sunshine Dizon, nagsimula nang mag-taping para sa 'Ika-6 na Utos'
"It's like baring my soul, parang ganun. Medyo maraming kirot habang binabasa ang script. Pero sabi ko nga, it's part of the job," kuwento ng aktres kay Lhar Santiago ng 24 Oras. Gaganap siya bilang isang babaeng nagkaroon ng extra-marital affair ang mister dahil napabayaan niya ang kanyang sarili.
Pero umaasa si Sunshine na maraming matututunan ang mga manonood sa teleseryeng ito.
"'Yung mga taong manonood din nito will root for Emma till the end, and tingnan natin kung ano ang mga struggles niya in life."
Hindi naman niya itinanggi na nalungkot siya nang malamang kailangan niyang mamaalam sa Encantadia para sa role na ito, ngunit marami naman daw posibleng mangyari sa iconic telefantasya.
"Technically nagsa-start pa lang ma-develop ang character ni Adhara sa Encantadia. Alam mo naman sa Encantadia, wala namang permanent death doon. So baka malay n'yo nagtatago lang si Adhara sa Balaak at baka puwede pang bumalik."
MORE ON SUNSHINE DIZON:
WATCH: Estranged husband ni Sunshine Dizon at Clarisma Sison, nag-file ng rejoinder affidavit sa korte
