EXCLUSIVE: Ariel Rivera, back in GMA thanks to 'dear friends'
Katatapos pa lang ng serye ng aktor na si Ariel Rivera sa ibang istasyon pero agad na itong nasundan ng isang bagong proyekto para sa GMA.
Kabilang kasi si Ariel sa cast ng upcoming GMA Afternoon Prime series na Hahamakin Ang Lahat (formerly Anything For You). Agad daw niyang tinanggap ang alok ng programa dahil kaibigan niya ang mga makakasama niya rito.
"They asked me and it sounds interesting. Kaibigan ko din naman sina [Program Manager] Redgynn Alba, sina [Associate Producer] Mavic (Tagbo), sina [Executive Producer] Darling (Pulido). I said yeah, I'd love to," kuwento ng aktor sa isang eksklusibong panayam ng GMANetwork.com.
Dahil dito, excited na si Ariel sa muling pagtatrabaho niya sa Kapuso network.
"I'm very excited! One of the reasons why I accepted this is because kaibigan ko nga 'yung mga kasama ko. [They're] very dear friends. We're not just friends, we're dear friends. We go way back. In fact, when I turned 40, they're one of the few people in the industry that I invited to my party. We're that close. I was excited to work with them," aniya.
Makakasama ni Ariel dito sina Kristoffer Martin at Joyce Ching, na unang beses pa lang niyang makakatrabaho.
"I'm actually looking forward to how they are. Hopefully, we can create a wonderful show. I'm looking forward to it. It's a challenge," sambit ni Ariel.
Abangan ang Hahamakin Ang Lahat, malapit na sa GMA Afternoon Prime.
MORE ON 'HAHAMAKIN ANG LAHAT':
Kristoffer Martin at Joyce Ching, balik tambalan sa bagong drama
