Bianca Umali gusto mag-aral ng Culinary at Interior Design sa college
Isa rin sa mga plans ng dalaga ang magtayo ng negosyo.
Sa isang exclusive interview ni Bianca Umali with GMAnetwork.com para sa National Teacher’s Month, nai-kuwento ni Bianca kung ano ang best advice na nakuha niya sa kanyang guro.
Ika niya, “Ang laging sinasabi sa akin kailangan laging ipagpatuloy yung studies.”
Ano naman kaya ang balak pag-aralan ng aktres sa kolehiyo?
Aniya, “Actually marami. I plan to take interior designing, culinary, at saka art. So, matagal ako mag-aaral. Ang dami kong ite-take. Sa interior, kasi, mahilig ako mag-design, mag-decorate, ganyan. At saka meron akong OCD (obsessive compulsive disease), gusto maayos lahat, ganun.”
Gusto naman daw ni Bianca mag-aral ng culinary sa iba’t ibang bansa. Paliwanag niya, “Sa culinary naman ang plan ko, gusto [ko] iikot ako around the world para aralin 'yung different cuisines ng food. Like for Chinese food, gusto ko sa China ko aaralin. You know, para precise. Pero bago ko siguro kunin 'yun, well, actually isa rin sa plans ko 'yung mag-business din for college. Kasi gusto ko makapagpatayo na ako ng business agad para hindi lang 'yung kung ano 'yung present 'yung mapagkuhan ko ng income.”
MORE ON BIANCA UMALI:
WATCH: Miguel Tanfelix and Bianca Umali's version of #PakGanern
