Rhian Ramos, gagampanan ang role na minsan nang ginawa ni Vilma Santos
Si Rhian, Vilma Santos level na ang acting!
PHOTO BY ELISA AQUINO, GMANetwork.com
Masayang masaya si Kapuso actress Rhian Ramos nang siya ang mapili bilang lead actress ng upcoming GMA Afternoon Prime series na Sinungaling Mong Puso.
Nahaluan ng kaunting kaba ang saya niya dahil ang project na ito ay isang remake ng 1992 film na Sinungaling Mong Puso na pinagbidahan ni Star for All Seasons Vilma Santos.
READ: Cast ng 'Sinungaling Mong Puso,' kasado na
Aminado siyang nakakaramdam siya ng pressure lalo na at isa sa pinakamahusay na artista ng bansa ang gumanap ng role na gaganapan niya noon.
"I feel like marami akong matututunan dito sa show na 'to. At 'tsaka just any role na nabigay sa isang Vilma Santos, sobrang saya for me to be able to play the same role," bahagi niya sa piling miyembro ng media, kasama na ang GMANetwork.com.
Nasa gitna si Rhian ng mga preparasyon para sa role tulad na lang ng mga workshops, pati na ang pagpunta sa gym para mabigyan niya ng sexy twist ang drama.
LOOK: Unang pasilip sa 'Sinungaling Mong Puso'
"Honestly, ako mismo, hindi ko pa alam kung ano 'yung ma-e-expect ko sa sarli ko dito sa show na 'to. I agree na iba talaga siya for me, pero susubukan ko pa rin siyang gawin in my own way," aniya.
Ipinagdarasal naman ni Rhian na kagiliwan din ng mga nakapanood ng 1992 film ang TV adaptation na gagawin nila. Umaasa rin siyang ibahagi ang kuwento sa mga bagong manonood.
"Hopefully, 'yung mga nakapanood na before, sana ma-appreciate pa rin nila 'yung version namin. Doon sa generation naman na hindi pa nakakapanood, sana magustuhan nila 'yung story na makikita nila, kung first time man," paliwanag niya.
WATCH: 'Sinungaling Mong Puso,' malapit na!
Makakasama ni Rhian sina Rafael Rosell, Kiko Estrada, Jazz Ocampo, Stephanie Sol, Michael de Mesa, Glydel Mercado, Cheska Diaz, Sherilyn Reyes-Tan, Gee Canlas, JC Tiuseco at Gab de Leon.
"I think I speak for all of us when I say that we're all honored to be a part of this show dahil alam namin na talagang acting piece siya para sa aming lahat. I see this show as an ensemble piece and it really requires everyone to give 100 percent. As actors and as lovers of our craft, it's really an honor for us to receive a project like this," sambit ni Rhian.
Mapapanood ang Sinungaling Mong Puso ngayong July sa GMA Afternoon Prime!
MORE ON RHIAN RAMOS:
Rhian Ramos, proud to be herself on the cover of men's magazine
