Paano nagsimula ang bag business ni Bea Binene?

Bukod sa taping ng kanyang GMA Afternoon Prime drama series na Hanggang Makita Kang Muli, busy din si Kapuso actress Bea Binene sa bago niyang negosyo.

Kamakailan lang, ini-launch ni Bea ang The Style Bin, isang online shop ng mga bags.

 

Aaaand we're open! Visit our booth at the Fashion Outlet Sale at the Megatrade Hall 2 of SM Megamall Bldg B. New designs on display. Php200 off on selected items and we will be having our bazaar exclusives later! We also have an ongoing Monthsary Promo, visit @shopthestylebin for more details. Drop by and shop today til Sunday because this is our only bazaar this June! :) ????

A photo posted by Bea Binene (@beabinene) on Jun 2, 2016 at 10:51pm PDT

"I partnered with my stylist LA Ferriols," kuwento ni Bea sa eksklusibong panayam ng GMANetwork.com. 

"Sobrang bilis lang po ng pangyayari. Parang in a month, or within two weeks, nagawa namin si The Style Bin," dagdag nito.

Mas naging responsable daw si Bea dahil sa bago niyang negosyo.

"Sabi ko nga, medyo nakaka-grown up kasi ang ginagawa ko nag-i-ingress ako para sa bazaar, gumagawa ng stocklist, ng DTI [permits], mga ganoon, nakakatuwa," aniya.

Ipinagdiwang ni Bea at ng kanyang business partner na si LA ang first 'monthsary' ng kanilang bag business sa pamamagitan ng pagsali sa isang bazaar at pagbibigay ng mga discount sa kanilang mga items.

May isa pang negosyo ni Bea—ang Bea Bakes na isang online bakeshop. Aminado siyang medyo malayo sa isa't isa ang kanyang mga negosyo. Bakit mga bags ang napili niya para sa kanyang pangalawang negosyo?

READ: Bea Binene joins first bazaar for new bag line

"Naisip ko po kasi na okay naman 'yung mga bags kasi ang daming magagandang designs ng bags. 'Yung baking kasi sobrang effort. Ako po kasi mismong nagbe-bake. Ako mismo 'yung nagmi-mix. Minsan natutulog ako alas kwatro kasi ako mismo naglalagay ng stickers sa packaging. Mahirap siya," paliwanag ni Bea. 

"At least ito stocks po. Mahirap pa rin kasi very hands on siya. Kumbaga, dalawa lang kami ni Ate LA dito sa The Style Bin. From the inventory, the expenses, 'yung sa pagshi-ship, 'yung sa pagkuha ng orders, kaming dalawa lang. Mahirap pa rin siya pero much easier than baking Bea Bakes," pahayag nito. 

MORE ON BEA BINENE:

Bea Binene hindi raw madaling ma-fall sa kanyang leading man

Bea Binende binawasan ang pakikipag-usap kay Derrick Monasterio