Paano nagagawang magpatawa ni Aiai delas Alas kahit may dinadalang problema sa buhay?

PHOTO BY ELISA AQUINO, GMANetwork.com

Nag-bahagi ng tip ang tinaguriang Comedy Queen of the Philippines na si Aiai delas Alas kung papaano niya nagagawang magpatawa sa harap ng mga tao, kahit may mga problemang dinadala.

Sa panayam sa kaniya sa press conference ng pinakabago niyang sitcom sa GMA-7 na Hay, Bahay! kahapon, June 13, sinabi ng multi-awarded comedienne na hindi niya dinadala ang mga aalalahanin sa buhay kapag nasa trabaho.

Dagdag pa ng Kapuso star na mas naipapamalas din daw niya ang galing niya sa comedy kapag may problema siya.

Paliwanag ng Hay, Bahay! actress, “Iniiwan ko ‘yung problema ko sa bahay and then babalikan ko na lang after ng work. At saka siguro, ewan ko 'pag malungkot ako o marami akong problema, modesty aside, parang mas madali ‘yung trabaho sa akin mas madali ako mag-comedy, siguro doon ko inilalabas ‘yung lahat ng pain ko sa buhay ginagawa kong kaligayahan.” 

Hindi na din daw iniisip ni Aiai na kailangan magkaroon ng mataas na rating ang kanilang show, dahil mas importante daw sa kaniya na makapagpaligaya ng mga tao.

“Kami ang talagang parati naming purpose, and siguro si Bossing [Vic Sotto] din, ang purpose namin is makapagpasaya talaga ng tao, so bonus na lang ‘yung mataas kami sa ratings or blockbuster ‘yung movie namin. Basta ang mahalaga napasaya namin sila and okay na ‘yun. And na-impart namin sa kanila ‘yung mga talent na ibinigay sa amin ng Panginooon.”

Humanda na kayo humagalpak sa kakatawa mga Kapuso, dahil simula June 19 mapapanood niyo na ang bagong karakter ni Aiai delas Alas bilang si Lav.  

Kaya huwag na kayong gumala sa darating na Linggo ng gabi at tumutok sa pilot airing ng pinakabagong sitcom na Hay, Bahay! pagkatapos ng 24Oras Weekend.

MORE ON 'HAY, BAHAY!':

Powerhouse comedians collide in GMA7's newest sitcom 'Hay Bahay!'  

EXCLUSIVE: Behind-the-scenes in Hay, Bahay!'s pictorial & plug shoot  

Ondrea Bliss Sotto nalungkot after malaman ang gender kapatid?