WATCH: Kilalanin ang Internet sensation na si "Badjao Girl"
Bakit sumikat sa Internet si Badjao Girl?
Isang dalagitang Badjao ang sumikat online nang makunan siya ng litrato habang namamalimos sa Pahiyas Festival. Mala-model kasi ang tinaguriang “Badjao Girl” dahil sa kanyang tindig at postura. Sino nga ba ang pinakabagong viral Internet sensation na ito?
Ang natural na ganda raw ng dalagita ang nakapukaw sa atensyon ng photographer na si Topher Quinto. Pagka-post niya ng mga litrato ni “Badjao Girl” sa Facebook ay maraming netizens ang humanga rito, kasama na ang anak ni incoming President Rodrigo Duterte na si Baste.
MUST-SEE: “Badjao Girl,” ang tipo ng babaeng gusto ni Baste Duterte
Ipinakita sa ulat ng 24 Oras na natunton ng GMA News and Public Affairs team si Badjao Girl. Siya si Rita Gabiola, 13 years old at nakatira sa isang barong-barong sa probinsya ng Quezon. Bahagi niya, hindi siya makapaniwalang sikat siya ngayon.
Pag-amin ni Rita, “Hindi po ako marunong mag-Internet. Pinakita lang po sa akin sa cellphone. Pinagsasabi, ‘Uy si Rita, artista na.’ Ganyan, ganyan lang po sinasabi nila.”
Ayon sa parehong ulat, pangarap daw niya na mabago ang estado ng buhay ng kanyang pamilya, makapagtapos ng pag-aaral at maging isang guro.
“Kaya ko po gustong maging guro, gusto ko pong matulungan ang katulad ng mga kapatid kong mga bata. Gusto ko rin po sila maipag-aral [sic]. At sabi po sa akin ng tatay ko, gusto din po niya ako paaralan [sic] kasi kami na lang po ang pag-asang [sic] magkakapatid eh,” paliwanag niya.
Dahil sa pagkalat naman ng kanyang litrato sa social media websites ay bumuhos ang tulong sa kanyang pamilya. Kaya naman, lubos ang pasasalamat niya kay Topher sa pagkuha at pag-post ng kanyang mga litrato.
“Masaya lang po at nagpapasalamat ako kay Kuya Topher. Ako po ‘yung napili niya kaya sobrang sobra ang pasasalamat ko po sa kanya,” nangingiyak niyang sambit.
Video courtesy of GMA News
MORE ON INTERNET SENSATIONS:
LOOK: Make-over ni Jeyrick Sigmaton sa The Carrot Man Project
WATCH: Farm girl, trending dahil pag-awit ng ‘I Will Always Love You’ ni Whitney Houston
LOOK: Viral na gwapong security guard, bumisita sa 'Sunday PinaSaya'
